హుజూరాబాద్ ప్రజలతోనే నియంతృత్వ పాలనకు చరమగీతం
తాను తెరాస నుంచి వెళ్లలేదని, ఆ పార్టీ నేతలే వెళ్లగొట్టారని మాజీ మంత్రి ఈటల రాజేందర్ ఆరోపించారు. ఆత్మగౌరవం అంటే తనది కాదని.. తెలంగాణ ప్రజల ఆత్మగౌరవమని స్పష్టం చేశారు. కరీంనగర్ జిల్లా హుజూరాబాద్లో నియోజకవర్గ స్థాయి భాజపా కార్యకర్తల సమావేశాన్ని ఈటల రాజేందర్ నిర్వహించారు. సీఎం కేసీఆర్ పాలనపై విమర్శలు గుప్పించారు.
2018 ఎన్నికల్లో రాష్ట్రంలో తెరాసకు చెందిన మెజార్టీ ఎమ్మెల్యేలు ఉన్నప్పటికీ కేబినెట్‌ లేకుండా నడిపిన చీకటి చరిత్ర కేసీఆర్‌ది. మాకు నేరుగా ముఖ్యమంత్రి దొరకడు. మధ్యవర్తుల ద్వారా మాత్రమే ఆయన అపాయింట్మెంట్ దొరుకుతుంది. ఎంతమంది అమ్ముడుపోయినా, హుజూరాబాద్ నియోజకవర్గ ప్రజలు అమ్ముడుపోరు. -ఈటల రాజేందర్, మాజీ మంత్రి, భాజపా నేత