సాగునీటికై రోడ్డెక్కిన దుర్శేడు గ్రామస్థులు..

గ్రామంలో పొలాలకు నీరందక పంటలు ఎండిపోతున్నాయని... దుర్శేడు గ్రామస్థులు సాగునీటికై ఆందోళన చేపట్టారు. హైదరాబాద్-రామగుండం రాజీవ్​ రహదారిపై బైఠాయించి... నిరసన తెలిపారు.

కరీంనగర్ జిల్లా దుర్శేడు గ్రామస్థులు సాగునీటి కోసం రోడ్డెక్కారు. గ్రామంలోని పొలాలకు నీరందక పంటలు ఎండిపోతున్నాయని ఆవేదన వ్యక్తం చేశారు. తమకు నీరందకుండా చేశారని పెద్దపల్లి ఎమ్మెల్యేకు వ్యతిరేకంగా నినాదాలు చేశారు.

హైదరాబాద్-రామగుండం రాజీవ్​ రహదారిపై బైఠాయించడంతో ట్రాఫిక్​కు తీవ్ర అంతరాయం ఏర్పడింది. ఎస్సారెస్పీ నుంచి సాగునీటిని విడుదల చేయకపోతే.. ఆందోళన మరింత ఉద్ధృతం చేస్తామని హెచ్చరించారు.

• ఇదీ చూడండి: అబలలపై దారుణాలు.. ఒకేరోజు మూడు చోట్ల లైంగిక దాడులు