'అంబేడ్కర్​ ఆశయాలకు అనుగుణంగానే ప్రభుత్వం పనిచేస్తోంది'

కరీంనగర్‌ జిల్లా కేంద్రంలో.. రాజ్యాంగ నిర్మాత డా. బీఆర్​ అంబేడ్కర్​ జయంతి వేడుకలను ఘనంగా నిర్వహించారు. బీసీ సంక్షేమశాఖ మంత్రి గంగుల కమలాకర్.. ఆయన విగ్రహానికి పూలమాలలు వేసి నివాళులర్పించారు.

డాక్టర్ బీఆర్ అంబేడ్కర్.. దేశానికి చేసిన సేవలు మరువలేనివన్నారు బీసీ సంక్షేమశాఖ మంత్రి గంగుల కమలాకర్. బాబాసాహెబ్ 130వ జయంతిని పురస్కరించుకొని.. కరీంనగర్‌ జిల్లా కేంద్రంలో వేడుకలను ఘనంగా జరిపారు. ఈ కార్యక్రమానికి.. ప్రణాళిక సంఘం ఉపాధ్యక్షుడు వినోద్‌కుమార్​తో కలిసి మంత్రి హాజరయ్యారు.

దేశం గర్వించదగ్గ వ్యక్తి అయిన అంబేడ్కర్​ ఆశయాలకు అనుగుణంగానే.. రాష్ట్ర ప్రభుత్వం పనిచేస్తోందని మంత్రి వివరించారు. ఆయన విగ్రహానికి పూలమాలలు వేసి నివాళులు అర్పించారు. అంబేడ్కర్‌ పుట్టిన గడ్డపై.. తానూ పుట్టడం ఎంతో అదృష్టమన్నారు.

అంబేడ్కర్.. భారత రాజ్యాంగాన్ని అన్ని వర్గాలకు న్యాయం చేసే విధంగా రాశారని వినోద్‌కుమార్ గుర్తు చేశారు. అందరూ.. మహనీయుడు చూపిన మార్గంలో నడుచుకోవాల్సిన అవసరముందన్నారు. ప్రతి ఒక్కరూ ఆయన ఆశయాలకు అనుగుణంగా ముందకు సాగాలని సూచించారు.

ఇదీ చదవండి:అక్షరాన్ని ఆయుధంగా మలిచిన వ్యక్తి అంబేడ్కర్: హరీశ్​ రావు