అకాల వర్షంతో అన్నదాతలకు అపార నష్టం

ఆరుగాలం కష్టపడి పండించిన పంటంతా అకాల వర్షానికి తడిసిముద్దయింది.  మార్కెట్​కు తీసుకువచ్చిన ధాన్యం సరైన సదుపాయాల్లేక నీటి పాలైంది.

కరీంనగర్​ జిల్లా గంగాధరలో భారీ వర్షం రైతులను నట్టేట ముంచింది. ఆరుగాలం కష్టపడి పండించిన ధాన్యం విక్రయించేందుకు రైతులు మార్కెట్​కు తీసుకొచ్చారు. సరైన సదుపాయాలు లేకపోవడం వల్ల తమ ధాన్యాన్ని యార్డుల్లోని ప్లాట్​ఫామ్​లపై కుప్పలుగా పోశారు. అరకొరగా ఉన్న టార్పాలిన్లు కప్పారు. గంట సేపు కురిసిన వానను టార్పాలిన్లు అడ్డుకోలేక పోయాయి. ధాన్యం మొత్తం వర్షపునీటిలో కొట్టుకుపోయింది. కష్టపడి పండించిన పంటంతా కళ్లముందే నీటిపాలైందని రైతులు లబోదిబోమన్నారు.

• ఇదీ చూడండి : శ్రీశైలం జలాశయానికి కొనసాగుతున్న వరద