బడ్జెట్ చూడడానికి బారెడు.. ఖర్చు మూరెడు: చాడ

రాష్ట్ర బడ్జెట్​పై సీపీఐ రాష్ట్ర కార్యదర్శి చాడ వెంకట్​ రెడ్డి అసంతృప్తి వ్యక్తం చేశారు. అంకెల గారడీగా ఉందని విమర్శించారు. మిగులు బడ్జెట్​తో ఉన్న రాష్ట్రం అప్పుల తెలంగాణగా మారిందని ఆరోపించారు.

శాసనసభలో ప్రవేశ పెట్టిన బడ్జెట్​ చూడడానికి బారెడు.. ఖర్చు మూరెడు అని సీపీఐ రాష్ట్ర కార్యదర్శి చాడ వెంకట్ రెడ్డి ఆరోపించారు. బంగారు తెలంగాణ కాస్త అప్పుల తెలంగాణగా మారిందని ఆగ్రహం వ్యక్తం చేశారు. కరీంనగర్​లోని బద్దం ఎల్లారెడ్డి భవన్​లో నిర్వహించిన మీడియా సమావేశంలో ఆయన పాల్గొన్నారు.

ఇది సమగ్రమైన బడ్జెట్​ కాదని ఆయన అభిప్రాయపడ్డారు. ఆర్థిక లోటును ఎలా పూడుస్తారో చెప్పాలని ప్రభుత్వాన్ని డిమాండ్ చేశారు. ఇప్పటికైనా రాష్ట్ర ప్రభుత్వం తమ విధివిధానాలపై పునరాలోచన చేయాల్సిన అవసరం ఉందని సూచించారు.

ఇదీ చదవండి:కనులవిందుగా బ్రహ్మోత్సవాలు.. హంసవాహనంపై నారసింహుడు