ధరణిలో మంత్రి గంగుల ఆస్తులను నమోదు చేసిన కమిషనర్​

రాష్ట్ర ప్రభుత్వం చేపట్టిన ధరణి పోర్టల్ సర్వేలో భాగంగా కరీంనగర్​లోని పౌర సరఫరాల శాఖ మంత్రి గంగుల కమలాకర్ ఆస్తుల వివరాలను నమోదు చేయించుకున్నారు. తన నివాసానికి వచ్చిన నగరపాలక సంస్థ కమిషనర్ వల్లూరు క్రాంతి, సిబ్బందికి వివరాలు సమర్పించారు.

కరీంనగర్​ నగర వ్యాప్తంగా ధరణి పోర్టల్ సర్వే 84.83% శాతం పూర్తైందని కమిషనర్ వల్లూరు క్రాంతి స్పష్టం చేశారు. రాష్ట్ర ప్రభుత్వం చేపట్టిన ధరణి పోర్టల్ సర్వేలో భాగంగా కరీంనగర్​లోని పౌరసరఫరాల శాఖ మంత్రి గంగుల కమలాకర్ తన ఆస్తుల వివరాలను నగరపాలక సంస్థ కమిషనర్ వల్లూరు క్రాంతి, సర్వే సిబ్బందికి అందించారు. మంత్రి ఆస్తులు, కుటుంబ సబ్యుల వివరాలను సేకరించి ధరణి పోర్టల్ యాప్​లో నమోదు చేశారు.

నగర వ్యాప్తంగా దరణి సర్వే ప్రశాంతంగా కొనసాగుతుందని కమిషనర్ అన్నారు. ఇప్పటి వరకు డివిజన్ల వారిగా మొత్తం 60,129 అసెస్​మెంట్లను ధరణి పోర్టల్లో నమోదు చేసినట్లు కమిషనర్ తెలిపారు. ప్రభుత్వం ఇచ్చిన గడువులోగా మిగిలిన అసెస్​మెంట్లను సర్వే చేసి సర్వే పూర్తి చేస్తామని పేర్కొన్నారు.

ఇదీ చూడండి :నెలరోజుల్లో ఎల్లూరు పంప్​హౌజ్​ పునఃప్రారంభం!