పనులు త్వరగా పూర్తి చేయండి: కలెక్టర్​

రైతు వేదికలు, హరిత హారం, పల్లె ప్రకృతి వనాలు, డ్రైయింగ్ ఫ్లాట్ ఫామ్స్ పనులను వేగంగా పూర్తి చేయాలని కరీంనగర్ జిల్లా కలెక్టర్ కె.శశాంక అధికారులను ఆదేశించారు. జిల్లాలోని అన్ని మండలాల ఎంపీడీవోలు, జిల్లా వ్యవసాయాధికారి, ఈఈపీఆర్, తహసీల్దార్లు, ఆర్​డీవో, మండల, డివిజన్ అధికారులతో వీడియో కాన్ఫరెన్స్​ నిర్వహించారు.

తెలంగాణ ప్రభుత్వ ప్రాధాన్యత అంశాలైన హరిత హారం, రైతువేదికలు, పల్లె ప్రగతి వనాలు, రైతు కల్లాల పనులను త్వరితగతిన పూర్తి చేయాలని జిల్లా కలెక్టర్ కె.శశాంక అధికారులను ఆదేశించారు. జిల్లాలోని అన్ని మండలాల ఎంపీడీవోలు, జిల్లా వ్యవసాయాధికారి, ఈఈపీఆర్, తహసీల్దార్లు, ఆర్​డీవో, మండల, డివిజన్ అధికారులతో వీడియో కాన్ఫరెన్స్​ నిర్వహించారు.

ప్రగతిలో ప్రధాన అంశాలైన స్మశాన వాటికల నిర్మాణాలు, డంపింగ్ యార్డుల నిర్మాణం, ఇంకుడుగుంతల నిర్మాణంలో ఎంపీడీవోలు నిర్లక్ష్యం వహించకుండా పనులపై దృష్టి సారించాలన్నారు. అన్ని మండలాల్లో, గ్రామాల్లో మంకీ ఫుడ్ కోర్టు, మియావాకి వనాలు ఏర్పాటు చేయాలని చెప్పారు.

ఇదీ చూడండి:బలగాల ఉపసంహరణ పూర్తి: చైనా