శోభా నీ ప్రవర్తన మార్చుకో.. ప్రజలు తిరగబడతారు: ఎమ్మెల్యే

ముఖ్యమంత్రి కేసీఆర్​ని అసభ్య పదజాలంతో దూషించిన మాజీ ఎమ్మెల్యే బొడిగె శోభపై చొప్పదండి ఎమ్మెల్యే రవిశంకర్ ఆగ్రహం వ్యక్తం చేశారు. విమర్శలు చేస్తే నియోజకవర్గ ప్రజలు తిరగబడతారని.. ప్రవర్తన మార్చుకోవాలని హెచ్చరించారు.

సీఎం కేసీఆర్, మంత్రి కేటీఆర్​పై అనుచిత వ్యాఖ్యలు చేసిన మాజీ ఎమ్మెల్యే బొడిగె శోభపై చొప్పదండి ఎమ్మెల్యే రవిశంకర్ తీవ్రంగా మండిపడ్డారు. అభివృద్ధికి సలహాలు, సూచనలు ఇస్తే గౌరవంగా స్వీకరిస్తామని.. ముఖ్యమంత్రి స్థాయిలో ఉన్న వ్యక్తి​పై, వారి కుటుంబ సభ్యులపై విమర్శలు చేస్తే ఊరుకోబోమని హెచ్చరించారు.

ఎమ్మెల్యే హోదాను కల్పించి.. తన కూతురులా చూసిన వారిపై అనుచిత వ్యాఖ్యలు చేయడం సరికాదన్నారు. పదవుల కోసం కేసీఆర్​ను తండ్రి అన్న శోభ.. కేవలం రాజకీయ లబ్ధి కోసమే వారి కుటుంబంపై వ్యాఖ్యలు చేయడాన్ని తీవ్రంగా ఖండించారు. విమర్శలు చేస్తే నియోజకవర్గ ప్రజలు తిరగబడతారని.. ప్రవర్తన మార్చుకోవాలని హెచ్చరించారు.

ఇదీ చూడండి:సాగర్‌ ఉపఎన్నిక బరిలో 41మంది అభ్యర్థులు