'స్పీడ్ గన్స్​తో రోడ్డు ప్రమాదాలకు చెక్'

కరీంనగర్‌ పోలీస్ కమిషనరేట్‌కు కేటాయించిన రెండు స్పీడ్ గన్స్​ను బైపాస్‌రోడ్డులో మాత్రమే వినియోగించనున్నామని సీపీ కమలాసన్ రెడ్డి తెలిపారు. వేగంగా వాహనాలు నడిపే వారిని అదుపు చేయడంపై దృష్టి సారించినట్లు స్పష్టం చేశారు.

ప్రధాన రహదారుల్లో అతివేగం వల్ల చోటు చేసుకుంటున్న ప్రమాదాలు, మరణాలను అరికట్టేందుకు స్పీడ్‌ గన్స్‌‌ వినియోగించనున్నట్లు కరీంనగర్‌ సీపీ కమలాసన్‌రెడ్డి తెలిపారు. మద్యం సేవించి వాహనాలు నడపకుండా తీసుకుంటున్న చర్యలు సత్ఫలితాలను ఇస్తున్నాయని పేర్కొన్నారు.
ఈ పరికరాలు నగర పరిధిలో కాకుండా బైపాస్‌రోడ్డులో మాత్రమే వినియోగించనున్నామన్నారు. ట్రాఫిక్‌ సిబ్బందికి హైదరాబాద్‌లో ప్రత్యేక శిక్షణ ఇచ్చామన్నారు. వేగంగా వెళ్లే వాహనాలకు ఈ చలాన్ ద్వారా రూ.1000 రూపాయల వరకు జరిమానా విధించే అవకాశం ఉందని చెప్పారు. ఈ చలాన్‌ అనుసంధానం ఏర్పడిన తర్వాతే వీటిని వినియోగిస్తామని సీపీ కమలాసన్‌రెడ్డి వివరించారు.

ఇవీ చూడండి : 'రాష్ట్రంలో హత్య రాజకీయాల ప్రభుత్వం నడుస్తోంది'