'స్వరాష్ట్రం కోసం పోరాడిన వారిని కేసీఆర్ మర్చిపోయారు'

వామపక్ష భావాలు కలిగిన వారంతా ఏకతాటిపైకి రావాలని సీపీఐ రాష్ట్ర కార్యదర్శి చాడ వెంకటరెడ్డి తెలిపారు. తెలంగాణ సాయుధ రైతాంగ పోరాట యోధుడు ప్రభాకర్ రావు జయంతి సందర్భంగా ఆయనకు నివాళులు అర్పించారు.

తెలంగాణ సాయుధ రైతాంగ పోరాట యోధుడు ప్రభాకర్ రావు 73వ వర్ధంతి సందర్భంగా కరీంనగర్​లోని ప్రభాకర్ రావు విగ్రహానికి పూలమాలలు వేసి సీపీఐ రాష్ట్ర కార్యదర్శి చాడ వెంకటరెడ్డి నివాళులు అర్పించారు. భూస్వామ్య కుటుంబంలో పుట్టి... ఉన్నత చదువులు చదువుకుని.. స్వతంత్ర పోరాటంలో పాల్గొన్న గొప్ప వ్యక్తి ప్రభాకర్ అని చాడ తెలిపారు.

నిజాం నవాబు రజకార్లపై తిరుగుబాటు చేసి... వీరోచిత పోరాటం చేసిన మహోన్నత వ్యక్తి అని ప్రభాకర్ రావు స్మరించారు. 1998లో మార్చి 14న మహ్మదాపూర్ గుట్టల్లో వీరమరణం పొందారని ఆనాటి స్మృతులను గుర్తు చేసుకున్నారు. స్వరాష్ట్ర సాధన కోసం జరిగిన అనేక పోరాటాల్లో నాడు ఎంతో మంది వీరులు అమరులయ్యారని తెలిపారు. కేసీఆర్ నేడు వారి ఊసే ఎత్తకపోవడం దారుణమన్నారు.

ఇదీ చూడండి:మమతపై దాడి జరగలేదు: ఈసీ వర్గాలు