కెప్టెన్​ జన్మదిన వేడుకలు.. మల్లవ్వకు రూ. 50 వేలు

తెలంగాణ ఉద్యమంలో ముఖ్యమంత్రి కేసీఆర్​కు వెన్నుదన్నుగా ఉన్న కెప్టెన్ లక్ష్మీకాంతరావు జన్మదిన వేడుకలను కరీంనగర్​లో తెరాస అభిమాని ఘనంగా నిర్వహించారు. ఈ వేడుకలకు కరీంనగర్​ మేయర్​ సునీల్​ రావు హాజరయ్యారు. అనంతరం రక్తదాన శిబిరాన్ని ఆయన ప్రారంభించారు.

తెరాస సీనియర్ నాయకుడు, తెలంగాణ ఉద్యమంలో ముఖ్యమంత్రి కేసీఆర్​కు వెన్నుదన్నుగా ఉన్న కెప్టెన్ లక్ష్మీకాంతరావు జన్మదిన వేడుకలను కరీంనగర్​లో తెరాస అభిమాని అమరావతి సలీం ఘనంగా నిర్వహించారు. తెలంగాణ చౌక్​లో ఏర్పాటు చేసిన ఈ కార్యక్రమానికి నగరపాలక సంస్థ మేయర్ సునీల్ రావు హాజరై.. కేకు కట్​ చేశారు.

అనంతరం రక్తదాన శిబిరాన్ని ప్రారంభించారు. బీద కుటుంబానికి చెందిన మల్లవ్వకు అమరావతి సలీం.. రూ. 50 వేల చెక్కును మేయర్ సునీల్ రావు చేత అందించారు. కెప్టెన్ లక్ష్మీకాంతరావు నిండు నూరేళ్లు జీవించేలే.. ఆ భగవంతుడు ఆశీర్వదించాలని కోరారు.

ఇదీ చదవండి:రేపు తెరాస పార్లమెంటరీ పార్టీ, శాసనసభాపక్ష సమావేశం