కరీంనగర్​లో వలస కార్మికులకు నిత్యాన్నదానం

లాక్​డౌన్​ కారణంగా ఎక్కడికక్కడ ఇరుక్కుపోయిన వలస కార్మికుల ఆకలి తీర్చేందుకు దాతలు ముందుకొస్తున్నారు. వివిధ ప్రాంతాల నుంచి వచ్చిన వలస కూలీలకు నిత్యం భోజన సౌకర్యం కల్పిస్తున్నారు. కరీంనగర్​ జిల్లా కేంద్రంలోని జ్యోతి నగర్​లో భాజపా నాయకులు ప్రతిరోజూ 200 మందికి భోజనం పెడుతున్నారు.

కరీంనగర్​ జిల్లా కేంద్రంలోని జ్యోతి నగర్​ శివ నరేష్​ ఫంక్షన్​హాల్​లో భాజపా నాయకులు వలస కార్మికుల కోసం నిత్యాన్నదానం ఏర్పాటు చేశారు. జిల్లాకేంద్రంలో ఉండే.. వివిధ రాష్ట్రాలకు చెందిన వలస కార్మికులు లాక్​డౌన్​ సమయంలో తిండికి ఇబ్బంది పడకుండా ప్రతిరోజు 200 మందికి భోజనం అందించే నిత్యాన్నదాన సత్రం ఏర్పాటు చేశారు.

భాజపా నేత లడ్డు సురేష్​ ఆధ్వర్యంలో ఈ అన్నదాన కేంద్రం నిర్వహిస్తున్నారు. కరీంనగర్​లోని 58 డివిజన్​ కార్పొరేటర్​ రాపర్తి విజయ తనయుడు రాపర్తి ప్రసాద్​ ఆధ్వర్యంలో ఈరోజు 200 మందికి భోజనం అందించారు.

ఇవీ చూడండి:'మీ అందరి సూచనలను పరిగణనలోకి తీసుకుంటాం'