ఎంపీ అర్వింద్​పై దాడికి నిరసనగా భాజపా ఆందోళన

నిజామాబాద్​ ఎంపీ ధర్మపురి అర్వింద్​పై వరంగల్​లో జరిగిన దాడికి నిరసనగా హుజూరాబాద్​లో భాజపా నాయకులు ఆందోళనకు దిగారు. బాధ్యులపై ప్రభుత్వం చర్యలు తీసుకోవాలని డిమాండ్​ చేశారు.

నిజామాబాద్‌ ఎంపీ ధర్మపురి అర్వింద్​పై దాడికి నిరసనగా కరీంనగర్‌ జిల్లా హుజూరాబాద్​లో‌ భాజపా నాయకులు ఆందోళనకు దిగారు. కరీంనగర్‌-వరంగల్‌ జాతీయ రహదారిపై పార్టీ శ్రేణులు ధర్నా చేపట్టారు. రాష్ట్ర ప్రభుత్వానికి వ్యతిరేకంగా నినాదాలు చేశారు.

దాడికి పాల్పడ్డ నిందితులను వెంటనే అరెస్టు చేయాలని డిమాండ్‌ చేశారు. ఎస్సై శ్రీనివాస్‌ తన సిబ్బందితో అక్కడకు చేరుకొన్నారు. భాజపా నాయకులను అదుపులోకి తీసుకుని పోలీసు స్టేషన్‌కు తరలించారు.