కరోనా నిబంధనలతో బతుకమ్మ సంబరాలు

బతుకమ్మ పండుగ అంటే తెలంగాణ ఆడపడుచులకు ఓ ఉత్సవం లాంటిది. మహిళలంతా ఒకచోట చేరి ఎంతో సంతోషంగా సంబరాలు జరుపుకుంటారు. కానీ ఈ ఏడాది కరోనా వల్ల ఇళ్లవద్దనే సంబరాలు చేసుకోవాల్సి వస్తోంది. కరీంనగర్‌లో కరోనా నిబంధనల వేళ బతుకమ్మ సంబరాలు నిరాడంబరంగా ప్రారంభమయ్యాయి.

తెలంగాణ వ్యాప్తంగా ఓ ఉత్సవంలా జరుపుకునే బతుకమ్మ పండుగ సంబరాలు ప్రారంభమయ్యాయి. కరీంనగర్‌లోని మహాలక్ష్మి ఆలయంలో ప్రత్యేక ఏర్పాట్లతో మహిళలు ఎంగిలిపూల బతుకమ్మ సంబరాలు నిర్వహించారు. ఈ ఏడాది కరోనా నిబంధనలతో బతుకమ్మ ఆడాల్సి రావడం ప్రత్యేకతను సంతరించుకుంది.

ప్రతి సంవత్సరం చిన్నా, పెద్దా తేడా లేకుండా అందరూ కలిసి బతుకమ్మ పండుగను అట్టహాసంగా జరుపుకునేవారు. వీధుల్లో ఎక్కడు చూసినా బతుకమ్మ ఆడుతూ కనిపించేవారు. కానీ ఈ సారి మాత్రం కరోనా నిబంధనలు పాటిస్తూ ఆడాల్సి వస్తోంది. ఈ ఏడాది ఇళ్లవద్దనే బతుకమ్మ సంబరాలు జరుపుకుంటున్నట్లు మహిళలు తెలిపారు. వచ్చే సంవత్సరం ఆనందంగా జరుపుకుంటామని మహిళలు ధీమా వ్యక్తం చేస్తున్నారు.

ఇదీ చదవండి:బతుకమ్మపై కరోనా ప్రభావం.. ఆడేందుకు భయపడుతున్న మహిళలు