ఎమ్మెల్యే కాన్వాయ్​ను అడ్డుకున్న ఏబీవీపీ నాయకులు

ఉద్యోగుల పదవీ విరమణ పెంపుపై అభిల భారత విద్యార్థి పరిషత్​ నాయకులు ఆందోళన నిర్వహించారు. కరీంనగర్​ జిల్లా మానకొండూరు ఎమ్మెల్యే రసమయి బాలకిషన్​ కాన్వాయ్​ను​ అడ్డుకునేందుకు యత్నించగా... వారిని పోలీసులు అదుపులోకి తీసుకున్నారు.

కరీంనగర్​ జిల్లా మానకొండూరులో ఎమ్మెల్యే రసమయి బాలకిషన్ కాన్వాయ్​ని ఏబీవీపీ నాయకులు అడ్డుకునే ప్రయత్నం చేయగా.. పోలీసులు వారిని అదుపులోకి తీసుకున్నారు. ఉద్యోగుల పదవీ విరమణ కాలం పెంచడాన్ని నిరసిస్తూ ఆందోళన చేశారు.

రాష్ట్రంలో నిరుద్యోగ యువత పట్ల ప్రభుత్వ తీరుపై అసహనం వ్యక్తం చేశారు. ఉద్యోగుల విరమణ వయసు పెంపుతో ఉన్నత చదువులు చదివినా ఉపాధి దక్కడం లేదని వాపోయారు. ఇప్పటికైనా ప్రభుత్వ నిర్ణయంపై పునరాలోచించాలని డిమాండ్ చేశారు.

ఇదీ చూడండి:పాఠశాలల్లో స్వీపర్లకు వేతనాలు ఇవ్వాల్సిందే...