అంబులెన్స్​లోనే ప్రసవం... తల్లీబిడ్డా క్షేమం

పురిటి నొప్పులతో బాధపడుతున్న ఓ మహిళ అంబులెన్స్​లో ఆసుపత్రికి వెళ్తుండగా మార్గమధ్యలో ప్రసవించింది. అంబులెన్స్​లోని వైద్య సిబ్బంది ఆమెకు పురుడు పోశారు. ఈ ఘటన కరీంనగర్​ జిల్లా నేదునూరులో జరిగింది.

కరీంనగర్​ జిల్లా తిమ్మాపూర్​ మండలం నేదునూరులో ఓ గర్భిణి... 108 వాహనంలోనే ప్రసవించింది. తల్లీ బిడ్డా క్షేమంగా ఉన్నారు. ప్రసవ వేదనతో బాధపడుతున్న చిగురుమామిడికి చెందిన రేణుకను అంబులెన్స్​లో ఆస్పత్రికి తీసుకెళ్తుండగా మార్గమధ్యలో నొప్పులు ఎక్కువయ్యాయి.

అంబులెన్స్​లో అత్యవసర వైద్య నిపుణుడిగా పనిచేస్తున్న లింగమూర్తి.. పైలట్​ సహాయంతో పురుడు పోశారు. అంబులెన్స్​లోనే రేణుక... మగబిడ్డకు జన్మనిచ్చింది. తల్లీ బిడ్డలను కరీంనగర్​లోని మాతాశిశు కేంద్రానికి తీసుకెళ్లారు. ఇద్దరూ క్షేమంగా ఉన్నారు. ఈ మేరకు కుటుంబ సభ్యులు అంబులెన్స్​ సిబ్బందికి కృతజ్ఞతలు తెలిపారు.

ఇదీ చూడండి:గ్రేటర్​​ హైదరాబాద్​లో నేటి నుంచి సీరో సర్వే