ప్రధాని మోదీపై అభిమానాన్ని చాటిన వ్యక్తి

సాధారణంగా ఇంటిపై దేవుడి బొమ్మ పెట్టుకుంటాం. కానీ ఓ వ్యక్తి ప్రధానిపై ఉన్న అభిమానంతో ఇంటిపై మోదీ ఫొటో పెట్టుకున్నాడు. ఆ అభిమాని భక్తికి మెచ్చిన భాజపా రాష్ట్ర అధ్యక్షుడు బండి సంజయ్​ ఆ ఇంటిని సందర్శించారు.

నేతలపై ఇష్టం ఉంటే వారి పేర్లను పచ్చ బొట్టు పొడిపించుకుంటారు. మరి ఎక్కువ అభిమానం ఉంటే వారి పిల్లలకు నేతల పేర్లు పెడతారు. కానీ కరీంనగర్ జిల్లా రామడుగు మండలం చిప్పకుర్తిలో ఓ వ్యక్తి తన ఇంటిపై దేశ ప్రధాని నరేంద్ర మోదీ చిత్రాన్ని శాశ్వతంగా ఉండే విధంగా గీసుకున్నారు. భాజపా రాష్ట్ర అధ్యక్షుడు బండి సంజయ్ స్వయంగా వెళ్లి ఆ ఇంటిని సందర్శించారు.

ఇంటి యజమాని బాలుసాని మహేశ్​ను అభినందించారు. ప్రధాని నరేంద్ర మోదీ నాయకత్వానికి అన్ని వర్గాల ప్రజలు మద్దతు పలుకుతున్నారని అన్నారు. అనంతరం రామడుగు, చొప్పదండి మండలాల్లో రోడ్డు ప్రమాదంలో మృతి చెందిన వారి కుటుంబాలను పరామర్శించారు.

ఇదీ చదవండి:కమ్యూనిస్టు పార్టీలకు లేఖలు రాసిన రాష్ట్ర కాంగ్రెస్