థియేటర్​​లో అభిమానుల వీరంగం...

అభిమానుల మధ్య చిన్నగా మొదలైన వివాదం... థియేటర్​లో ఇరువర్గాల మధ్య ఘర్షణకు తెరతీసింది. థియేటర్​ తెరనే ధ్వసం చేసేంత స్థాయికి దాడి పెరిగిపోయింది. ఈ ఘటన కామారెడ్డిలోని శాంతి థియేటర్​లో జరగ్గా... వకీల్​సాబ్​ షో ను నిలిపివేశారు.

కామారెడ్డి జిల్లా కేంద్రంలోని శాంతి థియేటర్​లో... కొందరు అభిమానులు వీరంగం సృష్టించారు. పట్టణానికి చెందిన సుమారు 50 మంది యువకులు ఒకరిపై ఒకరు దాడి చేసుకున్నారు. మద్యం మత్తులో థియేటర్​ ప్రొజెక్టర్​పై వాటర్ బాటిళ్లు విసిరారు. హాల్​లోని సీట్లు చింపివేసారు. అరగంటపాటు యువకుల గొడవతో వకీల్​సాబ్ సినిమాను యజమానులు నిలిపివేశారు.

విషయం తెలుసుకున్న పోలీసులు ఘటనా స్థలానికి చేరుకొని పరిస్థితిని సమీక్షించారు. యువకులను పోలీసులు సముదాయించారు. అయితే... చిరంజీవి, పవన్​కల్యాణ్ ఫ్యాన్స్ మధ్య గొడవ జరిగినట్లు పట్టణంలో ప్రచారం జరుగుతుంది. సెకండ్ షో సినిమా సమయంలో ఈ ఘటన జరిగింది.

ఇదీ చూడండి: రాష్ట్రంలో 3 వేలకు చేరువలో రోజువారీ కరోనా కేసులు