బాన్సువాడలో పర్యటించిన సభాపతి పోచారం

బాన్సువాడలో సభాపతి పోచారం శ్రీనివాస్​రెడ్డి పర్యటించారు. ప్రజల సమస్యలను అడిగి తెలుసుకున్నారు. ఇళ్లస్థలాలు లేనివారికి రెండుపడక గదుల ఇళ్లు నిర్మించి ఇస్తామని హామీ ఇచ్చారు.

కామారెడ్డి జిల్లా బాన్సువాడ పట్టణంలోని పలు కాలనీల్లో సభాపతి పోచారం శ్రీనివాస్​రెడ్డి పర్యటించి ప్రజల సమస్యలను తెలుసుకున్నారు. కాలనీవాసులు తమకు రెండు పడక గదుల ఇళ్లు కావాలని స్పీకర్​కు విన్నవించారు.

ఇళ్లస్థలాలు లేనివారికి ఇళ్లు నిర్మించి ఇస్తామని, స్థలాలు ఉన్నవారికి ప్రభుత్వం నుంచి డబ్బులు ఇప్పిస్తామని ఆయన హామీ ఇచ్చారు. ఈ కార్యక్రమంలో డీసీసీబీ ఛైర్మన్ పోచారం భాస్కర్ రెడ్డి, అధికారులు, ప్రజా ప్రతినిధులు పాల్గొన్నారు.

ఇదీ చదవండి: 'రానున్న రోజుల్లో ఉష్ణోగ్రతలు మరింత పెరిగే అవకాశం'