కామారెడ్డిలోని ఓ ప్రైవేట్ పాఠశాలకు షోకాజ్ నోటీసులు

ప్రభుత్వ ఆదేశాలొచ్చే వరకు పాఠశాలలు తెరవద్దని చెప్పినా.. డబ్బు సంపాదనే ధ్యేయంగా కొన్ని కార్పొరేట్ పాఠశాలలు గుట్టు చప్పుడు కాకుండా పాఠ్యపుస్తకాలు విక్రయిస్తున్నాయి.

కామారెడ్డి జిల్లా కేంద్రంలోని గౌతమ్ మోడల్ పాఠశాలలో ప్రభుత్వ ఆదేశాలకు విరుద్ధంగా పాఠ్యపుస్తకాలు విక్రయిస్తున్నారని ఏబీవీపి నాయకులు, విద్యార్థుల తల్లిదండ్రులు విద్యాశాఖ అధికారులకు ఫిర్యాదు చేశారు. వెంటనే స్పందించిన మండల విద్యాధికారి ఎల్లయ్య పాఠశాలలో ఆకస్మిక తనిఖీ చేపట్టారు.

ఈ తనిఖీల్లో మూడు గదుల్లో పుస్తకాలు విక్రయించడం గుర్తించిన ఎల్లయ్య.. ఆ గదులను సీజ్ చేశారు. ప్రభుత్వ నిబంధనలకు విరుద్ధంగా పాఠ్యపుస్తకాలు విక్రయిస్తున్న గౌతమ్ మోడల్ పాఠశాల యాజమాన్యానికి షోకాజ్ నోటీసులు జారీ చేశారు.

• ఇదీ చూడండి:గుడారాల్లో పెరిగింది... నాయకత్వ పాఠాలు చెబుతోంది!