కామారెడ్డి జిల్లాలో రోడ్డెక్కిన ప్రజా రవాణా

లాక్​డౌన్ నేపథ్యంలో డిపోలకే పరిమితమైన ఆర్టీసీ బస్సులు... రాష్ట్ర సర్కారు ఆదేశాల మేరకు తిరిగి ప్రారంభమయ్యాయి. కామారెడ్డి జిల్లాలో ఉదయం 6 గంటల నుంచే వివిధ రూట్లకు బస్సులు బయల్దేరాయి. ​

కామారెడ్డి జిల్లాలో ఆర్టీసీ బస్సులు రోడ్డెక్కాయి. కామారెడ్డి, బాస్సువాడ డిపోల నుంచి ఉదయం 6 గంటలకే బస్సులు వివిధ రూట్లకు బయల్దేరాయి. లాక్​డౌన్​ నిబంధనల మేరకు అధికారులు బస్సులను డిపోలోనే శానిటైజ్​ చేసి పంపిస్తున్నారు. అలాగే ప్రయాణికులు చేతులను శుభ్రం చేసుకునేందుకు కండక్టర్లు శానిటైజర్​ అందజేస్తున్నారు. మాస్కులు ధరించని వారిని బస్సులోకి అనుమతించడంలేదు.

ఎక్స్​ప్రెస్ బస్సులలో 33, ఆర్డినరీ బస్సులలో 30 మందికి మాత్రమే ప్రయాణించే వెసులుబాటు కల్పించారు. ప్రయాణికుల సౌకర్యార్థం అన్ని రూట్లలో బస్సులు నడిపిస్తామని కామారెడ్డి డిపో మేనేజర్ ఆంజనేయులు తెలిపారు.