మద్యం మత్తులో కుమార్తెను మంటల్లోకి విసిరేసిన తండ్రి

Father Thrown His Daughter Into The Fire in Kamareddy : మద్యం మత్తులో కన్నకూతురును ఓ తండ్రి మంటల్లోకి విసిరేశాడు. ఈ దారుణం కామారెడ్డి జిల్లా బీర్కూర్​ మండలం బరంగేడ్కి గ్రామంలో చోటుచేసుకుంది. అసలేం జరిగిందంటే?

Father Thrown His Daughter Into The Fire in Kamareddy : మద్యం మత్తులో ఏడేళ్ల కుమార్తెను ఓ తండ్రి మంటల్లోకి విసిరేశాడు. వెంటన్ స్పందించిన పొరిగింటి వ్యక్తి బాలికను కాపాడాడు. ఆ చిన్నారి స్వల్ప గాయాలతో బయటపడింది. ఈ దారుణం కామారెడ్డి జిల్లా బీర్కూర్​ మండలం బరంగేడ్కి గ్రామంలో జరిగింది.

స్థానికులు తెలిపిన వివరాల ప్రకారం :కామారెడ్డి జిల్లా బీర్కూర్​ మండలం బరంగేడ్కి గ్రామానికి చెందిన సాయిలు, గంగాధర్​ మధ్య ఘర్షణ జరిగింది. గంగాధర్​కు చెందిన గడ్డివాముకు నిప్పంటుకుంది. అయితే సాయిలు కుమార్తే నిప్పు పెట్టిందని గంగాధర్ ఆరోపించాడు. ఈ క్రమంలోనే సాయిలుతో గొడవకు దిగాడు.

ఈ క్రమంలో తీవ్ర ఆగ్రహానికి గురైన సాయిలు తన కుమార్తెను మంటల్లోకి వేసేశాడు. ఇది గమనించిన గంగాధర్ గడ్డివాములోకి దూకి​ బాలికను సురక్షితంగా రక్షించాడు. పాపకు రెండు కాళ్లు, చెయ్యి కాలడంతో చికిత్స కోసం 108 వాహనంలో బాన్సువాడ ప్రాంతీయ వైద్యశాలకు తరలించారు. ప్రస్తుతం బాలిక ఆరోగ్యం నిలకడగానే ఉందని డాక్టర్లు చెప్పారు. ఈ విషయం స్థానికులు ద్వారా తెలుసుకున్న పోలీసులు ఘటనా స్థలానికి చేరుకొని పూర్తి వివరాలు తెలుసుకున్నారు. మద్యం మత్తులో విచక్షణ కోల్పోయి ప్రవర్తించిన సాయిపై స్థానికులు తీవ్రంగా మండిపడుతున్నారు.