అంబులెన్స్​లో కరోనా గర్భిణీ ప్రసవం

అంబులెన్స్​లో కరోనా గర్భిణీ ప్రసవించిన ఘటన కామారెడ్డి రామయంపేట వద్ద జరిగింది. తల్లిబిడ్డను గాంధీ ఆస్పత్రికి తరలించారు.

కామారెడ్డి జిల్లాలో 108 వాహనంలో కరోనా పాజిటివ్ గర్భిణీకి 108 సిబ్బంది ప్రసవం చేశారు. జగిత్యాల జిల్లా మెట్​పల్లి పట్టణానికి చెందిన పుష్ప పురిటి నొప్పులతో నిజామాబాద్ ఆస్పత్రికి రాగ కొవిడ్ సోకినట్లు వైద్యులు నిర్ధరించారు. ఆమెను మెరుగైన వైద్యం కోసం గాంధీకి తరలిస్తుండగా కామారెడ్డి జిల్లా రామయంపేట్ వద్ద రాగానే పుష్పకు పురిటి నొప్పులు వచ్చాయి.

108 సిబ్బంది వాహనాన్ని పక్కకు నిలిపి కరోనా కిట్లు ధరించి మహిళకు సుఖ ప్రసవం చేశారు. పుష్ప మగబిడ్డకు జన్మనిచ్చింది. అనంతరం వారిద్దరిని గాంధీ ఆస్పత్రికి తరలించారు.

ఇదీ చదవండి:రాష్ట్రవ్యాప్తంగా రేపు వ్యాక్సినేషన్ నిలిపివేత