మార్కెట్​ నిర్మాణ స్థలాన్ని పరిశీలించిన కలెక్టర్​

మార్కెట్​ నిర్మించేందుకు అవసరమైన స్థలాన్ని కామారెడ్డి జిల్లా పాలనాధికారి శరత్​, అదనపు కలెక్టర్​ వెంకటేశ్​ ధోత్రే పరిశీలించారు. ఎల్లారెడ్డి డివిజన్​లోని నీటిపారుదల, అటవీశాఖల కార్యాలయాల స్థలాలపై ఆరా తీశారు. ఎకరా స్థలంలో అన్ని ఒకేచోట దొరికేలా మార్కెట్​ నిర్మిస్తామని వెల్లడించారు.

కామారెడ్డి జిల్లా ఎల్లారెడ్డిలో సమీకృత మార్కెట్ భవనం నిర్మించేందుకు నీటిపారుదల, అటవీ శాఖ కార్యాలయాల స్థలాలను జిల్లా పాలనాధికారి శరత్​, అదనపు కలెక్టర్ వెంకటేశ్​ ధోత్రే పరిశీలించారు. జిల్లాలోని ప్రతి డివిజన్​లో ఎకరా స్థలంలో మార్కెట్​ భవనాలు నిర్మిస్తున్నట్లు ఆయన వెల్లడించారు.

ప్రజలకు ఒకే చోట శాఖాహారం, మాంసాహారం దొరికేలా సమీకృత మార్కెట్లు ఏర్పాటు చేయనున్నట్లు కలెక్టర్​ తెలిపారు. అవసరమైన స్థలాన్ని గుర్తించి ప్రభుత్వానికి ప్రతిపాదనలు పంపుతున్నట్లు పేర్కొన్నారు. ఈ కార్యక్రమంలో మున్సిపల్ ఛైర్మన్ సత్యనారాయణ, తహసీల్దార్ స్వామి, పురపాలక ఇంఛార్జ్​ కమిషనర్ జీవన్ పాల్గొన్నారు

ఇదీ చూడండి :పట్టభద్రుల పోరులో విజయమే లక్ష్యంగా భాజపా వ్యూహం