జెండాలు తొలగించారని మున్సిపల్ కార్యాలయం ఎదుట భాజపా ధర్నా

బాన్సువాడ పట్టణంలో మున్సిపల్ కార్యాలయం ఎదుట భాజపా నేతలు ధర్నా చేశారు. తమ పార్టీ ఫ్లెక్సీలు, జెండాలు తొలగించి.. తెరాసవి తొలగించలేదని నిరసన తెలిపారు. అధికారులు పక్షపాత ధోరణి వీడాలని డిమాండ్ చేశారు.

కామారెడ్డి జిల్లా బాన్సువాడ పట్టణంలో భాజపాకి సంబంధించిన ఫ్లెక్సీలు, జెండాలను తొలగిస్తూ.. అధికార తెరాసవి తొలగించకపోవడంతో భాజపా నేతలు నిరసన వ్యక్తం చేశారు. మున్సిపల్ కార్యాలయం ఎదుట ధర్నా చేపట్టారు.

మున్సిపల్ సిబ్బంది ఏకపక్ష ధోరణి వదిలి అందర్నీ ఒకేలా చూడాలని డిమాండ్ చేశారు. పక్షపాత ధోరణి వీడాలని మండిపడ్డారు. రాబోయే రోజుల్లో ఏ పార్టీకి సంబంధించిన సభలు జరిగినా వారి ఫ్లెక్సీలు, జెండాలు తొలగించాలని హితవు పలికారు.

అధికార పార్టీకి తొత్తులుగా వ్యవహరించరాదని మున్సిపల్ కమిషనర్ రమేశ్​కుమార్​కు వినతి పత్రం అందజేశారు. భాజపాకు పురపాలక సంఘం ఎప్పుడూ వ్యతిరేకంగా వ్యవహరించలేదన్నారు. తమ పార్టీ అంటే పచ్చదనానికి, పరిశుభ్రతకు మారుపేరని తెలిపారు.

ఇదీ చూడండి:'కరీంనగర్ అభివృద్ధికి ప్రభుత్వం కట్టుపడి ఉంది'