కామారెడ్డిలో ఆగస్టు 14 వరకు లాక్​డౌన్​

కరోనా కేసులు పెరుగుతున్నందున కామారెడ్డి జిల్లాకేంద్రంలో స్వచ్ఛంద లాక్​డౌన్​ అమలు చేయనున్నట్టు కామారెడ్డి మున్సిపాలిటి పాలకవర్గం, అఖిలపక్షం కలిసి నిర్ణయం తీసుకున్నారు. వైరస్​ తీవ్రతను దృష్టిలో ఉంచుకొని ప్రజలంతా లాక్​డౌన్​కు సహకరించాలని, వ్యాపార సముదాయాలు కూడా పూర్తిగా మూసివేస్తున్నట్టు  ప్రకటించారు.

కామారెడ్డి జిల్లా కేంద్రంలో ఈ నెల 5వ తేదీ నుంచి 9రోజుల పాటు స్వచ్ఛంద సంపూర్ణ లాక్​డౌన్​ అమలు చేయనున్నట్టు మున్సిపాలిటి పాలకవర్గం, అఖిలపక్షం నాయకులు తీర్మానించారు. జిల్లాకేంద్రంలో పెరుగుతున్న కరోనా వైరస్​ను అరికట్టడానికి, పాజిటివ్​ కేసులు పెరగకుండా ఉండేదుకే ఈ నిర్ణయం తీసుకున్నట్టు వారు తెలిపారు.

ఆగష్టు 5 నుంచి కామారెడ్డి మున్సిపాలిటీ పరిధిలో వ్యాపార సముదాయాలు తెరిచి ఉండవని, కేవలం పాలు, కూరగాయలు, మెడిసిన్ వంటి అత్యవసర సేవలకు మాత్రమే మినహాయింపు ఉంటుందన్నారు. ప్రజలు సహకరించి లాన్​డౌన్ పాటించాలని కోరారు. అత్యవసరం అయితే తప్ప బయటకు రావద్దని వారు సూచించారు.

ఇదీ చూడండి :పీఎస్​కు వచ్చే ఫిర్యాదు పేపర్లను ఇస్త్రీ చేస్తున్న పోలీసులు