కొబ్బరిబొండాల కత్తితో మహిళపై హత్యాయత్నం

కామారెడ్డి జిల్లా బిచ్కుంద మండలం పెద్ద ఎడ్గి గ్రామానికి చెందిన ఓ మహిళపై పాతకక్షలతో కొబ్బరిబొండాల కత్తితో దాడి చేశారు. ఆమె మెడకు, చేతులకు తీవ్ర గాయాలవ్వగా బాన్సువాడ ఏరియా ఆస్పత్రికి తరలించారు. పోలీసులు నిందితుడిని అదుపులోకి తీసుకుని విచారిస్తున్నారు.

కామారెడ్డి జిల్లా బిచ్కుంద మండలం పెద్ద ఎడ్గి గ్రామానికి చెందిన ఓ మహిళపై ఓ వ్యక్తి కొబ్బరిబొండాల కత్తితో దాడికి పాల్పడ్డాడు. మహిళ భర్త తాగుడుకు బానిసవ్వగా.. కొద్ది నెలలుగా అతనికి దూరంగా ఉంటున్నారు. ఇదే ఆసరాగా చేసుకుని భర్త స్నేహితుడు దత్తా గౌడ్​.. బాధితురాలితో అసభ్యంగా ప్రవర్తించాడు. తనతో స్నేహం చేయాలని, తన కోరిక తీర్చాలని తరచూ ఇబ్బందులకు గురిచేసేవాడు.

ఆరు నెలల క్రితం ఇదే విషయమై బాధిత మహిళ పోలీస్​స్టేషన్​లో ఫిర్యాదు ఇచ్చింది. పాతకక్షలు మనసులో పెట్టుకుని... శనివారం ఒంటరిగా వెళ్తున్న ఆమెపై దాడికి పాల్పడ్డాడు. బిచ్కుందలోని హెచ్​పీ గ్యాస్ గోదాం పక్కన మాటు వేసి కొబ్బరిబొండాల కత్తితో మహిళపై దాడి చేశారు. మెడకు, చేతులకు తీవ్రగాయాలుకాగా.. బాన్సువాడ ఏరియా ఆస్పత్రికి తరలించారు. దాడి చేసిన నిందితుడిని అదుపులోకి తీసుకుని పోలీసులు కేసు నమోదు చేశారు.

ఇదీ చదవండిఃపెన్​గంగ నది మధ్యలో యథేచ్ఛగా ఇసుక దందా