అలంపూర్ ఆలయంలో నిరంతర శుద్ధి

దాదాపు రెండున్నర నెలల విరామం అనంతరం 8వ తేదీ నుంచి జోగులాంబ గద్వాల్ జిల్లా అలంపూర్ ఆలయ ద్వారాలు తెరుచుకోనున్నాయి. ఆలయాన్ని నిరంతరం సోడియం హైపోక్లోరైట్‌తో శుద్ధి చేస్తున్నారు.

సుదీర్ఘ విరామం తర్వాత భగవంతుని సన్నిధికి భక్తులు చేరువకానున్నారు. రెండున్నర నెలల విరామం అనంతరం 8వ తేదీ నుంచి జోగులాంబ గద్వాల్ జిల్లా అలంపూర్ ఆలయ ద్వారాలు తెరుచుకోనున్నాయి. లాక్‌డౌన్‌ ఆంక్షల్లో భాగంగా ఆలయాల్లోకి భక్తులను అనుమతించకూడదనే నిబంధన విధించారు.దర్శన సమయాల్లో భౌతిక దూరం, మాస్కులు ధరించడం వంటి నిబంధనలను భక్తులు విధిగా పాటించాలని అధికారులు సూచించారు.

ఈసందర్భంగా ఆలయాన్ని సిబ్బంది నిరంతరం సోడియం హైపోక్లోరైట్‌తో శుద్ధి చేస్తున్నారు. పుష్కరిణుల్లో భక్తులు దిగకుండా చూడాలని, వీలుంటే వాటిని మూసివేయాలని ప్రభుత్వం ఆదేశించింది. కేంద్ర మార్గదర్శకాలను అమలు చేయడంలో ఎక్కడా రాజీ పడవద్దని అధికారులు సూచించారు.

ఇదీ చూడండి:జీహెచ్ఎంసీ పరిధిలో పదో తరగతి పరీక్షలు వాయిదా