'తిక్కవీరేశ్వర స్వామి ఉత్సవాల్లో ఆ పోటీలే ప్రత్యేకం'

జాతరలు, పండుగల్లో కోడి పందేలు, ఎద్దులు బండలు లాగే పోటీలు చూసుంటాం. పొట్టెల్లా పోటీలూ నిర్వహించడం తిలకించాం. కానీ అందుకు భిన్నంగా పందులు, శునకాల పోటీలను నిర్వహించడం ఎప్పుడైనా చూశారా? ఇప్పుడు చూడాలని ఆసక్తిగా ఉందా? అయితే ఆ ఊరిపై ఓ లుక్కేయండి....

జోగులాంబ గద్వాల జిల్లా అలంపూర్​లో జాతర సందర్భంగా పందుల (వరాహాల) పోటీలు నిర్వహించారు. ఈ పందేలు ఐజ పట్టణంలో జరిగాయి. తిక్కవీరేశ్వర స్వామి బ్రహ్మోత్సవాల్లో భాగంగా భక్తులు, ప్రజల వినోదం కోసం వివిధ రకాల పోటీలను నిర్వహిస్తారు. అందులో భాగంగా శుక్రవారం వరాహాల పందేలను నిర్వహించారు. ఈ పోటీలను చూసేందుకు ప్రజలు భారీగా తరలివచ్చారు.

వరాహాల పోటీలతో పాటు శునకాల పరుగు పందెం నిర్వహించారు. తెలంగాణతోపాటు ఆంధ్రప్రదేశ్, కర్ణాటక, మహారాష్ట్ర నుంచి సుమారు 46 శునకాలు పోటీల్లో పాల్గొన్నాయి.

ఇదీ చూడండి:స్టేటస్​లో ఫొటో కూడా​ పెట్టుకోని ఆమె... వందల మందికి సెల్ఫీలిస్తోంది..