Harish rao comments: ధాన్యం కొనుగోళ్ల విషయంలో కేంద్ర వైఖరిపై వైద్యారోగ్యశాఖ మంత్రి హరీశ్ రావు తీవ్ర స్థాయిలో ధ్వజమెత్తారు. జోగులాంబ గద్వాల జిల్లాలో పర్యటించిన మంత్రి హరీశ్రావు.. జిల్లా కేంద్రంలోని నర్సింగ్ కళాశాల, 300 పడకల ఆసుపత్రికి శంకుస్థాపన చేశారు. మల్దకల్ మండల కేంద్రంలో కేసీఆర్ అన్నదాన క్యాంటీన్తో పాటు.. ఆత్మీయ సంబురాల సభలో ఎద్దుల బల ప్రదర్శన పోటీలను మంత్రి ప్రారంభించారు. అనంతరం మాట్లాడిన మంత్రి హరీశ్ రావు.. తెలంగాణ మంత్రులకు పనిలేదా అంటూ కేంద్రమంత్రి పీయూష్ గోయల్ చేసిన వ్యాఖ్యలపై మండిపడ్డారు. రైతు చట్టాలను వెనక్కి తీసుకుని చెంపలేసుకున్న భాజపా సర్కారు.. ధాన్యం కొనుగోలు విషయంలోనూ దిగి వచ్చే వరకూ పోరాటం ఆగదని స్పష్టం చేశారు.
రైతులను అవమానపర్చినట్టే..
"రైతుల వడ్లు వద్దన్న భాజపా కూడా తెలంగాణ ప్రజలకు వద్దు. భాజపాను గద్దెదించితేనే కేంద్రంలో వడ్లు కొనే ప్రభుత్వం వస్తుంది. అందుకు తెలంగాణ నడుంబిగిస్తుంది. మంత్రులను అవమానపర్చడం అంటే తెలంగాణ రైతులు, ప్రజలను అవమానపర్చినట్టే. కేంద్రంలో ఏ ప్రభుత్వం ఉన్నా ధాన్యాన్ని కొనుగోలు చేసింది. ఇప్పుడు కేంద్రం కొనుగోలు చేయకపోతే ఎందుకని ప్రశ్నిస్తే తప్పా..? రైతుల పట్ల మూగజీవాలకు ఉన్న ప్రేమ భాజపా నేతలకు లేకుండా పోయింది. తెలంగాణ ప్రజల ఓట్లతో గెలిచిన భాజపా ఎమ్మెల్యేలు, ఎంపీలు వడ్లు కొనాలని ఎందుకు అడగటం లేదు..? ప్రజలే వారికి తగిన గుణపాఠం చెప్పాలి." - హరీశ్రావు, మంత్రి