అలంపూర్​లో అక్రమ మద్యం పట్టివేత.. నలుగురు వ్యక్తులు అరెస్టు

జోగులాంబ గద్వాల్ జిల్లా అలంపూర్​ వద్ద అక్రమంగా మద్యం రవాణా చేస్తున్న ముఠా గుట్టురట్టైంది. సుమారు రూ. 1.15 లక్షల విలువచేసే మద్యం సీసాలను పోలీసులు స్వాధీనం చేసుకుని.. నలుగురు వ్యక్తులను అరెస్టు చేశారు.

జోగులాంబ గద్వాల్ జిల్లా ఉండవల్లి మండలం అలంపూర్ చౌరస్తాలో గస్తీ నిర్వహిస్తున్న పోలీసులకు ఆటోల్లో అక్రమంగా మద్యం తరలిస్తున్న ముఠా పట్టుబడింది. ఉండవల్లి మండలం పుల్లూర్​కు చెందిన తెలుగు నర్సప్ప, మళ్లిపోగు నాగార్జున, బోయ ఈశ్వరయ్య, బోయ పుల్లన్నలను పోలీసులు అరెస్టు చేశారు.

అలంపూర్ చౌరస్తా నుంచి పుల్లూరుకు ఆటోల్లో అక్రమంగా 648 ఎమ్​ఎల్​ మద్యం సీసాలను తరలిస్తుండగా గమనించిన గస్తీ పోలీసులు.. తనిఖీల్లో స్వాధీనం చేసుకున్నారు. వాటి విలువ రూ. 1.15 లక్షల వరకు ఉంటుందని తెలిపారు.

ఇదీ చదవండి:హోం క్వారంటైన్​లో ఉన్నవారికి కరోనా కిట్లు