తాత్కాలిక అవసరాల నిమిత్తం నిధుల విడుదల: నిరంజన్​రెడ్డి

తుంగభద్ర పుష్కరాల కోసం రూ.2.5 కోట్లు విడుదల చేసినట్లు మంత్రి నిరంజన్​రెడ్డి తెలిపారు. జోగులాంబ గద్వాల జిల్లాలో పర్యటించిన ఆయన అలంపూర్ నియోజకవర్గంలో ఏర్పాటు చేసిన రైతు వేదికలను ప్రారంభించారు.

అలంపూర్ నియోజకవర్గంలో మానవపాడు,ఉండవెల్లి మండలాల్లో రైతు వేదికలను మంత్రి నిరంజన్ రెడ్డి ప్రారంభించారు. కలుగోట్లలో ఏర్పాటు చేసిన బహిరంగ సభలో మంత్రి పాల్గొన్నారు. ఈ నెల 20 నుంచి ప్రారంభమయ్యే తుంగభద్ర పుష్కరాల తాత్కాలిక అవసరాల నిమిత్తం.. రాష్ట్ర ప్రభుత్వం రూ.రెండున్నర కోట్ల విడుదల చేసినట్లు నిరంజన్​రెడ్డి తెలిపారు.

ఈ నెల 20 నుంచి డిసెంబర్ ఒకటో తేది వరకు తుంగభద్ర నది పుష్కరాలు జరగనున్నాయి. ఈ నెపథ్యంలోనే భక్తులకు సౌకర్యాల కల్పన కోసం తక్షణమే నిధులు విడుదల చేసినట్లు వివరించారు. ముఖ్యమంత్రి ఆదేశాల మేరకు భక్తులకు ఎలాంటి ఇబ్బంది కలగకుండా పుష్కర ఘాట్​లు అభివృద్ధి చేస్తున్నామని తెలిపారు.

ఇవీ చూడండి:తుంగభద్ర పుష్కరాల్లో.. పురోహితులెవరు?