జోగులాంబ అమ్మవారి ఆలయంలో ధ్వజారోహణ

జోగులాంబ అమ్మవారి బ్రహ్మోత్సవాలకు సూచికగా ఆలయంలో ధ్వజారోహణ కార్యక్రమం నిర్వహించారు. ఈ ఉత్సవాల్లో అలంపూర్ ఎమ్మెల్యే వి.ఎం అబ్రహం, జడ్పీ ఛైర్​ పర్సన్​ సరిత పాల్గొన్నారు. ఈరోజు నుంచి 5 రోజుల పాటు వేడుకలు జరుగుతాయి.

జోగులాంబ గద్వాల్ జిల్లా అలంపూర్​లో అమ్మవారి వార్షిక బ్రహ్మోత్సవాలు వైభవంగా ప్రారంభమయ్యాయి. ఈరోజు నుంచి 5 రోజుల పాటు బ్రహ్మోత్సవాలు జరుగుతాయి. అందులో భాగంగా ఈరోజు సాయంత్రం బ్రహ్మోత్సవాలకు సూచికగా ఆలయంలో ధ్వజారోహణ కార్యక్రమం నిర్వహించారు. స్థానిక ఎమ్మెల్యే వి.ఎం అబ్రహం, జడ్పీ ఛైర్​ పర్సన్​ సరిత ఈ వేడుకలో పాల్గొని.. అమ్మవారిని దర్శించుకున్నారు.

ఆలయ ఛైర్మన్, ఈఓ వీరికి పూర్ణకుంభంతో స్వాగతం పలికారు. ఆలయ అర్చకులు మంగళ వాద్యాలు, వేద మంత్రోచ్ఛారణల మధ్య ధ్వజారోహణ కార్యక్రమాన్ని నిర్వహించారు. బ్రహ్మోత్సవాలు వైభవంగా జరుగుతున్నాయని ఎమ్మెల్యే వి.ఎం అబ్రహం, జడ్పీ ఛైర్​ పర్సన్​ సరిత అన్నారు. 16వ తేదీ వసంత పంచమి రోజు అమ్మవారి నిజరూపాన్ని భక్తులందరూ దర్శించుకొని.. తరించాలని కోరారు.

ఇదీ చూడండి: జోగులాంబ అమ్మవారి వార్షిక బ్రహ్మోత్సవాలు ప్రారంభం