రాష్ట్రంలో నూనెగింజల పంట సాగుకు ప్రోత్సాహమివ్వాలని ప్రభుత్వం నిర్ణయించింది. ఇప్పటికే ఖమ్మం జిల్లాలో రెండు ఆయిల్ పరిశ్రమలున్నాయి. తాజాగా ప్రైవేటు, ప్రభుత్వ భాగస్వామ్యంతో మరో పరిశ్రమ ఏర్పాటు చేసేందుకు సర్కార్ రంగం సిద్ధం చేసింది. పాలమూరు జిల్లాలో మూతపడిన బీచుపల్లి ఆయిల్ మిల్లును పునరుద్ధరించి పూర్వవైభవం తీసుకురానుంది.
ఈనెల 18న శ్రీకారం
ఈ ప్లాంట్ ద్వారా .. ఉమ్మడి మహబూబ్నగర్, నల్గొండ, రంగారెడ్డి, కరీంనగర్, నిజామాబాద్ జిల్లాల్లో ఆయిల్ఫాం విస్తరింపజేసేందుకు ఉద్యానశాఖ, ఆయిల్ఫెడ్ సంస్థ ప్రణాళిక సిద్ధం చేశాయి. ఈనెల 18న బీచుపల్లి ఆయిల్ మిల్లు ఆవరణలో మొక్కలు నాటి పునరుద్ధరణ పనులకు వ్యవసాయశాఖ మంత్రి నిరంజన్రెడ్డి శ్రీకారం చుట్టనున్నారు.
ప్రత్యేక చొరవ
1990లో ప్రారంభమైన బీచుపల్లి ఆయిల్ మిల్లు ఆర్థిక ఇబ్బందులతో 2003 జూన్లో మూతపడింది. మిల్లు మూసివేతకు నిరసనగా అప్పటి ఉమ్మడి ఆంధ్రప్రదేశ్‌ ప్రభుత్వానికి వ్యతిరేకంగా ఆందోళన చేసిన రైతులు, కార్మికులకు ప్రస్తుత మంత్రి నిరంజన్రెడ్డి మద్దతిచ్చారు. ఇప్పుడు ఆయనే... బీచుపల్లి ఆయిల్‌మిల్లు పునరుద్ధరణకు ప్రత్యేక చొరవ తీసుకున్నారు.