చిన్నారెడ్డే సమర్థవంతమైన నాయకుడు: సంపత్​కుమార్

ఎమ్మెల్సీ స్థానానికి పోటీలో ఉన్న అభ్యర్థుల్లో కాంగ్రెస్​ తరఫున బరిలో నిలిచిన చిన్నారెడ్డే సమర్థవంతమైన నాయకుడని ఏఐసీసీ కార్యదర్శి సంపత్​కుమార్ పేర్కొన్నారు. ఉద్యోగ, నిరుద్యోగుల సమస్యలపై పోరాడేందుకు చిన్నారెడ్డికి ఓటు వేసి గెలిపించాలని కోరారు.

హైదరాబాద్​-రంగారెడ్డి-మహబూబ్​నగర్​​ ఎమ్మెల్సీ స్థానానికి పోటీలో ఉన్న అభ్యర్థుల్లో కాంగ్రెస్​ తరఫున బరిలో నిలిచిన చిన్నారెడ్డి సమర్థవంతమైన నాయకుడని ఏఐసీసీ కార్యదర్శి సంపత్​కుమార్ పేర్కొన్నారు. జోగులాంబ గద్వాల జిల్లా కేంద్రంలోని టీఎన్జీవో భవన్​లో ఏర్పాటు చేసిన సమావేశంలో ఆయన పాల్గొన్నారు.

ఈ సందర్భంగా గతంలో ఎమ్మెల్సీలుగా పని చేసిన నాయకులు.. ఉద్యోగ, నిరుద్యోగ సమస్యలపై ఏనాడు పల్లెత్తు మాట మాట్లాడలేదని సంపత్​కుమార్​ ఆరోపించారు. అలాంటి నేతలు మళ్లీ బరిలో నిలిచి.. ఓటు వేయమని అడగటం ఏంటని ఎద్దేవా చేశారు. తెరాస ప్రభుత్వం నిరుద్యోగుల సమస్యలను పెడచెవిన పెట్టిందని మండిపడ్డారు. ఉద్యోగులకు పీఆర్సీ ఇవ్వకుండా మోసం చేసిందని ధ్వజమెత్తారు. ఉద్యోగ, నిరుద్యోగుల సమస్యలపై పోరాడేందుకు కాంగ్రెస్​ అభ్యర్థి చిన్నారెడ్డికి ఓటు వేసి గెలిపించాలని కోరారు.