సహకార సంఘాల ఎన్నికల్లో ఏకగ్రీవాల జోరు

ప్రాథమిక సహకార సంఘాల ఎన్నికల్లో ఏకగ్రీవాల జోరు సాగుతోంది. జయశంకర్​ భూపాలపల్లి జిల్లాలో 2 కేంద్రాలు, 60 వార్డులు ఏకగ్రీవం కాగా... సుమారు అన్నింటినీ తెరాస కైవసం చేసుకుంది.

జయశంకర్ భూపాలపల్లి జిల్లా వ్యాప్తంగా ప్రాథమిక సహకార వ్యవసాయ సంఘం పరిధిలోని 10 కేంద్రాలలో 2 కేంద్రాలు ఏకగ్రీవమయ్యాయి. ఒక్కో కేంద్రానికి 10 వార్డుల చొప్పున 130 ఉండగా.. 60 వార్డుల డైరెక్టర్లు ఏకగ్రీవంగా ఎన్నికయ్యారు. గణపూర్, చెల్పూర్ కేంద్రాల్లో 13 మందికి 13 మంది ఏకగ్రీవంగా ఎన్నికయ్యారు. మిగతా 8 కేంద్రాలలో రేగొండ మండల కేంద్రంలో 10 మంది, జంగెడులో 10 మంది, చిట్యాలలో 9 మంది, మొగుల్లపల్లిలో 4 మంది, ఘనపూర్ 13 మంది, చెల్పూర్​లో 13 మంది, మహాదేవ్​పూర్​లో ఒక్కరు ఏకగ్రీవంగా ఎన్నికయ్యారు. మిగతా 70 మంది డైరెక్టర్లు పోటీలో ఉన్నారు. కాటారం, మహముత్తరాం, మలహార్ మండలాల్లో ఏకగ్రీవాలేమి జరగలేదు. ఘనపూర్ మండలంలో ఆల్ ఇండియా ఫార్వార్డ్​ బ్లాక్ పార్టీ, తెరాస... చెరో సంఘం పంచుకొని చెల్పూర్, ఘనపూర్ కేంద్రాల్లో ఏకగ్రీవం చేసుకున్నారు.

ఇదీ చూడండి:వేడుకలో పరిచయం.. వంచించి సామూహిక అత్యాచారం