రెండున్నర లక్షల విలువైన గుట్కా స్వాధీనం

జయశంకర్ భూపాలపల్లి జిల్లా చిట్యాలలో పలు దుకాణాలపై టాస్క్​ఫోర్స్​ పోలీసులు దాడులు చేసి... నిషేధిత గుట్కాను స్వాధీనం చేసుకున్నారు. ఇద్దరు నిందితులను అదుపులోకి తీసుకున్నారు.

జయశంకర్ భూపాలపల్లి జిల్లా చిట్యాల మండల కేంద్రంలో సీసీఎస్​ క్రైమ్​, టాస్క్​ఫోర్స్​ పోలీసులు దాడులు నిర్వహించారు. ఈ తనిఖీల్లో రూ.2 లక్షల 54 వేల విలువచేసే గుట్కా, అంబర్ ప్యాకెట్లను స్వాధీనం చేసుకున్నారు. ఇద్దరు నిందితులను అదుపులోకి తీసుకుని రిమాండ్​కు తరలించారు.

నిషేధిత అంబర్ గుట్కా వ్యాపారం చేసే వారిపై కఠిన చర్యలు తీసుకుంటామని సీఐ మోహన్ హెచ్చరించారు. ఈ కార్యక్రమంలో ఎస్సై విజయ్ కుమార్, ఎస్సై గోపాల్ రెడ్డి పాల్గొన్నారు.

ఇదీ చూడండి: ఇళ్లలో చోరీ.. 5 ద్విచక్రవాహనాలు, నగదు స్వాధీనం