జయశంకర్ భూపాలపల్లి జిల్లా, భూపాలపల్లి మండలం కొండాపూర్ గ్రామంలో సింగరేణి ప్రారంభించనున్న కాకతీయఖని ఓపెన్ కాస్ట్-3 ప్రాజెక్ట్‌ కోసం ప్రజాభిప్రాయ సేకరణ చేపట్టారు. ఘనపూర్‌ మండలం కొండాపూర్ గ్రామంలోని జిల్లా పరిషత్‌ పాఠశాలలో జరిగిన ఈ కార్యక్రమానికి సింగరేణి అధికారులతో పాటు జిల్లా కలెక్టర్ వాసం వెంకటేశ్వర్లు హాజరయ్యారు. ఓపెన్ కాస్ట్ కింద భూములు కోల్పోయే చుట్టుపక్కల గ్రామాల రైతుల ప్రజాభిప్రాయాన్ని సేకరించారు. కొండాపూర్, కొండంపల్లి, మాధారవు పల్లెతో పాటు చుట్టూ ఉన్న గ్రామ రైతుల భూములు ఈ ప్రాజెక్టు కిందకు రానున్నాయి.
ప్రజాభిప్రాయ సేకరణ కార్యక్రమానికి స్థానిక ఎమ్మెల్యే గండ్ర వెంకట రమణా రెడ్డి హాజరయ్యారు. ఈ ప్రాంత ప్రజలకు న్యాయం జరిగే విధంగా... ప్రతి కుటుంబంలో ఒక్కరికి సింగరేణి ఉద్యోగం ఇప్పించి, భూమికి సంబంధించిన డబ్బును ఒకే దఫాలో ఇవ్వాలని ఆయన పేర్కొన్నారు.