సింగరేణి గుర్తింపు కార్మిక సంఘం ఎన్నికల పోలింగ్ ప్రారంభం

Singareni Election Polling in Telangana : సింగరేణి గుర్తింపు కార్మిక సంఘం ఎన్నికలు ప్రారంభమయ్యాయి. 11 డివిజన్‌లలో ఉదయం 7 గంటల నుంచి సాయంత్రం 5 గంటల వరకు పోలింగ్‌ జరగనుంది. 13 కార్మిక సంఘాలు బరిలో ఉండగా, సింగరేణి విస్తరించి ఉన్న పెద్దపల్లి, భూపాలపల్లి, భద్రాద్రి కొత్తగూడెం, కుమురం భీం ఆసిఫాబాద్, ఖమ్మం జిల్లాలో పోలింగ్ జరగుతోంది.

Singareni Election Polling in Telangana :సింగరేణి గుర్తింపు కార్మిక సంఘం ఎన్నికల పోలింగ్‌ ప్రారంభమైంది. ఇవాళ నిర్వహించే ఎన్నికలకు అధికారులు అన్ని ఏర్పాట్లు పూర్తి చేశారు. జిల్లా కలెక్టర్ల ద్వారా ఎన్నికల, లెక్కింపు సిబ్బందిని నియమించారు. సింగరేణి ఎన్నికల అధికారిగా శ్రీనివాసులు పర్యవేక్షణలో ఎన్నికలు జరగుతున్నాయి. ప్రతి ఏరియాకు ఒక ఏఆర్(Assistant Election Officer) ఉంటారు. ఉమ్మడి ఆదిలాబాద్‌, కరీంనగర్‌, వరంగల్‌, ఖమ్మం పరిధిలోని 11 డివిజన్లలో పోలింగ్ నిర్వహించేందుకు యంత్రాంగం సన్నద్ధమైంది. అందుకుగానూ 84 పోలింగ్‌ కేంద్రాలు, 11 కౌంటింగ్‌ కేంద్రాలు ఏర్పాటు చేశారు. ఈ ఎన్నికల్లో 13 కార్మిక సంఘాలు తలపడనుండటంతో, సర్వత్రా ఉత్కంఠ నెలకొంది.

Singareni Elections Schedule Telangana 2023 :సింగరేణి గుర్తింపు సంఘం ఎన్నికల ఏర్పాట్లను యాజమాన్యం చకచకా పూర్తి చేసింది. ఎలాంటి లోటుపాట్లు లేకుండా పకడ్బందీగా నిర్వహించేందుకు చర్యలు చేపట్టింది. సోమవారం సాయంత్రం ప్రచారం ముగియగా, ఇవాళ బ్యాలెట్ పద్ధతిలో సింగరేణి ఎన్నికలు ప్రారంభమయ్యాయి.

ఉదయం 7 గంటల నుంచి సాయంత్రం 5 గంటల వరకు పోలింగ్ నిర్వహించేందుకు ఏర్పాట్లు పూర్తయ్యాయి. వెను వెంటనే రాత్రి 7 గంటల నుంచిసింగరేణి ఫంక్షన్ హాల్​లోఓట్ల లెక్కింపు(Counting of votes) ప్రారంభం అవుతుంది. లెక్కింపు తరువాత ఫలితాలు వెలువడనున్నట్లు అధికారులు వెల్లడించారు.

All Set for Singareni Trade Union Election :ఉమ్మడి ఆదిలాబాద్‌, కరీంనగర్‌, వరంగల్‌, ఖమ్మం పరిధిలోని 11 డివిజన్లలో విస్తరించిన సింగరేణి సంస్థలో జరుగుతున్న ఎన్నికలకు గానూ, మొత్తం 39,832 మంది ఓటర్లు పాల్గొననున్నారు. ఇప్పటికే పోలింగ్‌, కౌంటింగ్‌ సిబ్బందిని నియమించి, శిక్షణ తరగతులు కూడా నిర్వహించారు. కాగా, పోలింగ్‌ బూత్‌లను సోమవారం సింగరేణి సంస్థ వ్యాప్తంగా ఆయా డివిజన్ల అధికారులు పరిశీలించారు. పోలింగ్‌ రోజు ప్రతి ఉద్యోగి తమ గుర్తింపు కార్డును తప్పనిసరిగా వెంట తీసుకురావాలని సూచించారు.

Singareni Polls 2023 :సింగరేణి గుర్తింపు సంఘం ఎన్నికల్లో విజయం సాధించాలని కార్మిక సంఘం నాయకులు, కార్మికులతో ప్రచారాలు కొనసాగించారు. ఏ కార్మిక సంఘం గెలిస్తే కార్మికులకు ఏమేం చేస్తామో తెలుపుకుంటూప్రచారాలను కొనసాగించారు. తెలంగాణ బొగ్గు గని కార్మిక సంఘం మాజీ ఎమ్మెల్యే గండ్ర వెంకటరమణారెడ్డి కార్మికులతో ప్రచారం నిర్వహించారు. ఏఐటీయూసీ కార్మిక సంఘానికి కార్మిక సంఘ నాయకులతో కలిసి ఎమ్మెల్యే గండ్ర సత్యనారాయణ రావు కార్మికులతో సమావేశం నిర్వహించారు.

హెచ్​ఎంఎస్ కార్మిక సంఘానికి ప్రొఫెసర్ కోదండరాం ప్రచారం నిర్వహించారు. బీఎంఎస్, ఏఐటీయూసీ కార్మిక సంఘాలకు ఆయా కార్మిక సంఘం నాయకులు ప్రచారాలు నిర్వహిస్తూ ఎన్నికల్లో గెలుపొందితే ఏమేమి చేస్తామో కార్మికులకు తెలియజేస్తూ కార్మికుల, ఉద్యోగుల ఓట్లను అభ్యర్థించారు. ఎన్నికల ప్రచారం సోమవారం ముగిసింది. రేపు ఉదయం 7 గంటలకు జరగబోయే సింగరేణి గుర్తింపు సంఘం ఎన్నికలలో సింగరేణి కార్మికులు ఏ గుర్తింపు సంఘాన్ని ఎన్నుకుంటారన్న ఉత్కంఠ నెలకొంది.

Details of Voters in Bhupalappalli Singareni Area :భూపాలపల్లి సింగరేణి ఏరియాలో 5,350 మంది ఓటర్లకు గానూ 9 పోలింగ్ కేంద్రాలు ఏర్పాటు చేశారు. సింగరేణి జీఎం కార్యాలయంలో 197 మంది ఓటర్లు, ఎస్అండ్ పీసీ విభాగంలో 77 మంది ఓటర్లు, ఏరియా సింగరేణి ఆస్పత్రిలో 124 మంది ఓటర్లు, ఏరియా స్టోర్స్ విభాగంలో(Store Department) 38 మంది ఓటర్లు, ఏరియా వర్క్ షాపులో 137 మంది ఓటర్లు, ఓపెన్ కాస్ట్ లో 361 మంది ఓటర్లు, అండర్ గ్రౌండ్ మైన్ లో 4,414 మంది ఓటర్లు ఉన్నట్లు అధికారులు గుర్తించారు. పనిచేసే చోటనే కార్మికులకు, అధికారులు పోలింగ్ కేంద్రాలను ఏర్పాటు చేశారు. ఉదయం డ్యూటీ దిగాక, ఫస్ట్ షిప్ట్ డ్యూటీకి వెళ్లనున్న కార్మికులు, ఉదయమే ఓటు హక్కు వినియోగించుకునే విధంగా అక్కడే కేంద్రాలను ఏర్పాటు చేశారు. 100శాతం పోలింగ్ జరిగే విధంగా ప్రతి ఒక్క సింగరేణి ఉద్యోగి, కార్మికుడు తమ ఓటు హక్కును వినియోగించుకావాలని తెలిపారు.

BellampallySingareni Election Polling :మంచిర్యాల జిల్లా బెల్లంపల్లి సింగరేణి రీజియన్​లో 14958 మంది సింగరేణి కార్మికులు గుర్తింపు సంఘం ఎన్నికలల్లో కార్మిక సంఘాన్ని ఎన్నుకోనున్నారు. అధికారులు 31 పోలింగ్ బూతులు ఏర్పాటు చేశామని తెలిపారు. మంచిర్యాల జిల్లా శ్రీరాంపూర్ ఏరియాలోని సింగరేణి అధికారుల క్లబ్​లో స్ట్రాంగ్ రూమ్ నుంచి బ్యాలెట్ బాక్సులను(Ballot Box) ఎన్నికల నిర్వహణ అధికారి రాములు పంపిణీ చేశారు.

బెల్లంపల్లి సింగరేణి రీజినల్ పరిధిలోని మందమర్రిలో 11 పోలింగ్ కేంద్రాలలో 4835 మంది, శ్రీరాంపూర్ ఏరియాలో 15 కేంద్రాలలో 9127 మంది, బెల్లంపల్లిలో 05 కేంద్రలలో 996 మంది సింగరేణి కార్మికులు గుర్తింపు సంఘం ఎన్నికలలో పాల్గొననున్నారు. ఒక్కొక్క పోలింగ్ కేంద్రంలో పీవో, ఏపీఓ, ఇద్దరు పోలింగ్ సిబ్బందితో ఉదయం ఏడు గంటల నుంచి సాయంత్రం ఐదు గంటల వరకు ఎన్నికల నిర్వహణ జరుగుతుందని రిటర్నింగ్ అధికారి రాములు తెలిపారు.

Polling Arrangements Complete in Illandu Singareni Area : ఇల్లందు సింగరేణి ఏరియాలో ఎన్నికల కోసం ఏర్పాట్లు పూర్తి చేసినట్టు రిటర్నింగ్ అధికారి, హైదరాబాద్ డిప్యూటీ లేబర్ కమిషనర్ సంతోష్ మహుర్ తెలిపారు. ఎన్నికల అధికారులకు పోలింగ్ సామాగ్రి(Polling Materials) పంపిణీ కార్యక్రమాన్ని ఇల్లందు జనరల్ మేనేజర్ కార్యాలయం ఆవరణలో నిర్వహించారు. ఇల్లందులో 614 మంది ఓటర్లు మూడు పోలింగ్ కేంద్రాల్లో తమ ఓటు హక్కును వినియోగించుకోనున్నారని సంతోష్ తెలిపారు.

ఇల్లందు జేకే ఉపరితల గని ఆవరణ ఓవర్ మెన్ భవనంలో ఏర్పాటు చేసిన పోలింగ్ కేంద్రంలో 218 మంది, కోయగూడెం ఉపరితల గని కార్యాలయం వద్ద ఏర్పాటుచేసిన పోలింగ్ కేంద్రంలో 122 మంది, ఇల్లందు జీఎం కార్యాలయం సమీపంలోని ఏటీబీ సెల్ పోలింగ్ కేంద్రంలో 274 మంది జీఎం కార్యాలయ ఉద్యోగులు సింగరేణి వైద్యశాల సెక్యూరిటీ సిబ్బంది తమ ఓటు హక్కును వినియోగించుకోనున్నారు.

పోలింగ్ నిర్వహణ కోసం మూడు పోలింగ్ కేంద్రాల్లో ముగ్గురు అధికారుల టీములతో పాటు అదనంగా మరో టీంని రిజర్వ్ ఉంచినట్టు ఎన్నికల రిటర్నింగ్ అధికారి తెలిపారు. పోలిక్ కేంద్రంలోకి సెల్ ఫోన్లు అనుమతించబడవని తెలిపారు. బ్యాలెట్ విధానంలో ఉదయం 7 గంటల నుంచి ఐదు గంటల వరకు పోలింగ్ నిర్వహణ ఉంటుందని ఐదు గంటల లోపు పోలింగ్ కేంద్రంలో ఉన్నవారిని మాత్రమే ఓటింగ్​కు అనుమతిస్తామని తెలిపారు. రాత్రి 7 గంటలకు ఇల్లందు సింగరేణి కమ్యూనిటీ హాల్​లో కౌంటింగ్ ప్రారంభమవుతుందని తెలిపారు. కాగా ఎన్నికల పోలింగ్ కేంద్రాలు కౌంటింగ్ కేంద్రాల వద్ద 144 సెక్షన్ అమల్లో ఉంటుందని ఇల్లందు సీఐ కరుణాకర్ తెలిపారు.