జగన్నాథ్​ కుటుంబాన్ని ఆదుకోవాలంటూ కార్యదర్శుల ధర్నా

సంగారెడ్డి జిల్లాలో ఆత్మహత్యకు పాల్పడిన పంచాయతీ సెక్రటరీ జగన్నాథ్​ కుటుంబాన్ని ఆదుకోవాలంటూ జయశంకర్​ భూపాలపల్లి జిల్లా కేంద్రంలో కార్యదర్శులు ధర్నా చేపట్టారు. విధులు బహిష్కరించి నల్ల బ్యాడ్జీలతో నిరసన తెలిపారు.

జయశంకర్​ భూపాలపల్లి జిల్లా కేంద్రంలో పంచాయతీ కార్యదర్శులు ఆందోళనబాట పట్టారు. సంగారెడ్డి జిల్లాలో ఆత్మహత్య చేసుకున్న పంచాయతీ కార్యదర్శి జగన్నాథ్​ కుటుంబాన్ని ఆదుకోవాలంటూ విధులు బహిష్కరించారు. జయశంకర్ విగ్రహం వద్ద నల్లబ్యాడ్జీలతో ధర్నా చేశారు. ప్రభుత్వానికి వ్యతిరేకంగా నినాదాలు చేశారు.

జగన్నాథ్ ఆత్మహత్యకు ప్రభుత్వమే బాధ్యత వహించాలని ఆరోపించారు. తమపై ఉన్న ఒత్తిడికి జగన్నాథ్​ ఆత్మహత్యే నిదర్శనమని, ఇప్పటికైనా పని భారం తగ్గించి తమ సమస్యలను పరిష్కరించాలని డిమాండ్​ చేశారు.