భిక్షాటనపై స్పందించిన తహసీల్దార్

పట్టాదారు పాసు పుస్తకాలకు లంచం డిమాండ్​ చేసిన అధికారుల తీరుకు నిరసనగా భిక్షావతారం ఎత్తిన రైతుల సమస్యలపై తహసీల్దార్​ స్పందించారు. విచారణ జరిపి త్వరలోనే సమస్యను పరిష్కరిస్తామని హామీ ఇచ్చారు.

ములుగు జిల్లా వెంకటాపూర్​లో రైతుల భిక్షాటన ఘటనపై తహసీల్దార్​ స్పందించారు. రైతుకు సంబంధించిన భూమి ఎన్నో ఏళ్లుగా కబ్జాలో ఉందని.. ధరణి వెబ్​సైట్​లో వివరాలు లేకపోవడం వల్ల సమస్యలు తలెత్తుతున్నాయని తహసీల్దార్ దేవానాయక్​ అన్నారు. భిక్షాటన చేస్తోన్న రైతులను తన సొంత వాహనంలో తీసుకెళ్లి భూములను పరిశీలించారు. అధికారులతో విచారణ జరిపి పట్టాదారు పాసు పుస్తకాలు ఇప్పిస్తానని అన్నదాతలకు హామీ ఇచ్చారు.

ఇదీ కారణం

తన భూమికి పట్టాదారు పాసు పుస్తకం ఇవ్వడానికి వీఆర్వో లంచం అడిగాడని ఆరోపిస్తూ వెంకటాపూర్​కు చెందిన రైతు దేవేందర్​ భిక్షాటన చేస్తూ నిరసన తెలిపాడు.

ఇవీ చదవండి:పట్టా కోసం భిక్షాటన