నూతన అంబులెన్స్​ ప్రారంభించిన ఎమ్మెల్యే గండ్ర

భూపాలపల్లిలోని ఎమ్మెల్యే క్యాంప్​ కార్యాలయంలో ఎమ్మెల్యే గండ్ర వెంకటరమణారెడ్డి నూతన అంబులెన్స్​ ప్రారంభించారు. నియోజకవర్గంలోని పలువురికి సీఎం రిలీఫ్​ ఫండ్​ చెక్కులను అందించారు.

జయశంకర్ భూపాలపల్లి జిల్లా కేంద్రంలోని ఎమ్మెల్యే క్యాంప్ కార్యాలయంలో నూతన అంబులెన్స్​ను ఎమ్మెల్యే గండ్ర వెంకటరమణారెడ్డి ప్రారంభించారు. అనంతరం ఘన్​పూర్, భూపాలపల్లి మండలాలకు చెందిన 37 మందికి ముఖ్యమంత్రి సహాయ నిధి ద్వారా వచ్చిన రూ.7 లక్షల 89వేల విలువ గల చెక్కులను అందించారు.

37 మందికి ముఖ్యమంత్రి సహాయ నిధి చెక్కుల పంపిణీ

నియోజకవర్గ ప్రజల తరుఫున సీఎం కేసీఆర్​కు ఎమ్మెల్యే కృతజ్ఞతలు తెలిపారు. ఈ కార్యక్రమంలో ఎంపీపీ, నాయకులు, గ్రంథాలయ ఛైర్మన్, ప్రజా ప్రతినిధులు, వివిధ గ్రామాల సర్పంచులు, ఎంపీటీసీలు, మున్సిపల్ అధికారులు తదితరులు పాల్గొన్నారు.

ఇదీ చదవండి:"నా సొరకాయలు పోయాయి సార్..!"