కాళేశ్వరం ప్రాజెక్టును సందర్శించిన మేడ్చల్ రైతులు

మేడ్చల్ జిల్లాలోని మాజిత్​పూర్ గ్రామస్థులు కాళేశ్వరం ప్రాజెక్టును సందర్శించారు. ఈ ప్రాజెక్టును చూసిన తర్వాత రాష్ట్రంలోని కోటి ఎకరాలకు నీరందుతుందని ధీమా వ్యక్తం చేశారు.

మేడ్చల్ జిల్లాలోని మాజిత్​పూర్ గ్రామానికి చెందిన 100 మంది రైతులు జయశంకర్ భూపాలపల్లి జిల్లా మహాదేవ్​పూర్ మండలంలోని కాళేశ్వరం కన్నెపల్లి పంప్ హౌస్​ను చూసేందుకు తరలివచ్చారు. తెలంగాణ రాష్ట్ర శిశు సంక్షేమ శాఖ, కార్మిక శాఖ మంత్రి మల్లారెడ్డి ఆధ్వర్యంలో కాళేశ్వరం ప్రాజెక్టు సందర్శనకు తమను పంపించారని అన్నదాతలు వెల్లడించారు. తెలంగాణ రాష్ట్రం సాధించుకున్న తరువాత రైతులకు నీళ్లు వస్తాయని చెప్పిన మాటలు నెరవేరుతాయని అనుకున్నామని, ఈ ప్రాజెక్టు చూసిన తరువాత కోటి ఎకరాలకు సర్కారు నీరు అందిస్తుందనే నమ్మకం వచ్చినట్లు తెలిపారు. ముఖ్యమంత్రి కేసీఆర్ వల్లే కాళేశ్వరం ప్రాజైక్టు పూర్తంయిందని చెప్పారు. ఇంత పెద్ద ప్రాజెక్టును సందర్శించడం చాలా ఆనందంగా ఉందన్నారు.

ఇవీ చూడండి: " ఐదు రూపాయల భోజనం ఎట్లుంది పెద్దాయన.."