భూపాలపల్లిలో తెరాసలో చేరికలు

జయశంకర్​ భూపాలపల్లి జిల్లా నియోజకవర్గంలోని మొగుళ్లపల్లి మండలం పిడిసిల్ల గ్రామంలో పలు పార్టీల నుంచి కార్యకర్తలు తెరాసలో చేరారు. భూపాలపల్లి శాసనసభ్యులు గండ్ర వెంకట రమణారెడ్డి, వరంగల్​ జిల్లా పరిషత్​ ఛైర్మన్​ గండ్ర జ్యోతి సమక్షంలో పలువురు తెరాస కండువా కప్పుకున్నారు.

భూపాలపల్లి నియోజకవర్గంలోని మొగుళ్లపల్లి మండలం పిడిసిల్ల గ్రామంలో పలువురు తెరాసలో చేరారు. భూపాలపల్లి శాసనసభ్యులు గండ్ర వెంకటరమణ ఆధ్వర్యంలో గ్రామ సర్పంచ్​ ప్రభాకర్​ రెడ్డితో పాటు ఇతర పార్టీల నాయకులు గులాబీ తీర్థం పుచ్చుకున్నారు. గ్రామంలోని ప్రజలంతా ఒక్కతాటిపై నిలబడి తెరాసలో చేరడం శుభ పరిణామం అని ఎమ్మెల్యే అన్నారు.

తెలంగాణ అభివృద్దికై ముఖ్యమంత్రి ప్రవేశపెడుతున్న పథకాలు, కేసీఆర్​ ముందుచూపు పట్ల ఆకర్షితులమై పార్టీలో చేరుతున్నట్టు గ్రామ సర్పంచ్​ ప్రభాకర్​ రెడ్డి అన్నారు. క్లిష్ట పరిస్థితుల్లో కూడా ముఖ్యమంత్రి సంక్షేమ పథకాలు అమలు చేస్తూ.. రైతులు పండించిన ధాన్యం కొనుగోలు చేయడం గొప్ప విషయం అన్నారు.

ఇదీ చదవండి:దొంగకు కరోనా ఉంటే.. వణికిపోతున్న పోలీసులు.!