వన నివాళి

పుల్వామా దాడిలో చనిపోయిన సైనికులకు దేశమంతా నివాళులర్పిస్తోంది. జవాన్ల త్యాగాలను రోజూ స్మరించుకోవాలనుకున్న ఆ గ్రామస్థులు మాత్రం ఓ కొత్త ఆలోచన చేశారు.

జయశంకర్ భూపాలపల్లి జిల్లా రేగొండ మండలం చెంచుపల్లి గ్రామస్థులు అమరవీరులకు వినూత్న రీతిలో నివాళి అర్పించారు. భరతమాత ఒడిలో ఒదిగిపోయిన సైనికుల జ్ఞాపకంగా 120 మొక్కలు నాటారు. వాటికి అమర జవాన్ల పేర్లు పెట్టి ప్రేమను చాటుకున్నారు.

ఘటన జరిగినప్పుడు నివాళులర్పించి ఆ తర్వాత మర్చిపోకుండా... వాళ్ల త్యాగాలను రోజూ స్మరించుకునేలా మొక్కలు నాటడమనేది మంచి ఆలోచనంటూ.. పలువురు ప్రశసింస్తున్నారు.