చావుతో దూరమైనా.. జ్ఞాపకాలతో దగ్గరగా ఉండాలని!

చావుతో బాల్య స్నేహితుడు దూరమైనా.. అతని జ్ఞాపకాలు చెరిగిపోకుడదనుకున్నారు ఓ పాఠశాల పూర్వ విద్యార్థులు. అంతా కలిసి ఓ నిర్ణయానికి వచ్చారు. తమకు తోచినంతా డబ్బులు వేసుకొని గ్రామ ప్రజలకు ఉపయోగపడే కార్యక్రమం చేపట్టారు. స్నేహితుడు రంజిత్​ పేరుతో బెంచీలు ఏర్పాటు చేశారు.

జయశంకర్​ భూపాలపల్లి జిల్లా రేగొండ మండలం రంగయ్యపల్లి జడ్పీఎస్​ పాఠశాల విద్యార్థులు తమ స్నేహాన్ని చాటుకున్నారు. పదో తరగతి 2004-2005 బ్యాచ్​ విద్యార్థులైన అరుణ్​, సతీశ్​, రజినీకాంత్​, రాజినీకర్​, కృష్ణమూర్తి, పరమేశ్​, శ్రీమాన్​, రాజు, సాగర్​ తదితరులు.. తమ బాల్య స్నేహితుడి జ్ఞాపకార్థం గ్రామంలో కూర్చోడానికి బెంచీలను ఏర్పాటు చేశారు.

తమతో చిన్ననాటి నుంచి కలిసి చదువుకున్న తోట రంజిత్​ అనారోగ్యంతో అకస్మాత్తుగా చనిపోయాడు. రంజిత్​ మరణంతో తమకు దూరమైనా.. అతని గుర్తులు చెరిగిపోకుడదనుకున్నారు. స్నేహితుడి పేరుతో గ్రామంలో బెంచీలు ఏర్పాటు చేయాలనే నిర్ణయానికి వచ్చారు. తమకు తోచినంతగా డబ్బులు వేసుకుని బెంచీలు ఏర్పాటు చేశారు.

ఇవీ చూడండి:ట్విట్టర్​ ట్రెండింగ్​లో హ్యాపీ బర్త్​డే కేసీఆర్​