గర్భగుడిలో పాము ప్రత్యక్షం.. తర్వాత ఏం జరిగిందంటే..?

''ఎప్పుడు మీరే మీ బాధలు చెప్పుకోవడానికి గుడికి వెళ్తారా... నాకు బాధలున్నాయి.. నేను కూడా దేవుడికి నా మొర అలకించకుంటా'' అని అనుకుందేమో ఓ సర్పం. జయశంకర్‌ భూపాలపల్లి జిల్లాలోని గణపేశ్వరాలయం గర్భగుడిలోకి వెళ్లింది.

జయశంకర్‌ భూపాలపల్లి జిల్లా గణపురంలోని కాకతీయుల కాలం నాటి కోటగుళ్ల గణపేశ్వరాలయం గర్భగుడిలోకి పాము ప్రవేశించింది. సుమారు పదడుగుల భారీ సర్పం శివలింగం వెనుక కలియతిరుగుతూ కనిపించింది. గర్భగుడిలోకి సర్పాని చూసిన పూజారి, భక్తులు భయాందోళనకు గురయ్యారు. రిక్షా కార్మికుడు రాజయ్య ఆ భారీ సర్పాన్ని పట్టుకుని ఆలయానికి దూరంగా పొదల్లో వదిలేశారు. ఈ పామును జెర్రిపోతు అంటారని ఆయన చెప్పారు.

ఇవీచూడండి:గ్రేటర్‌లో కరోనా పంజా... మూతబడుతోన్న కార్యాలయాలు