జనగామ జిల్లా తొలి జడ్పీ ఛైర్మన్ పాగాల సంపత్​రెడ్డి

జనగామ జిల్లాగా ఏర్పాడిన తర్వాత తొలి జడ్పీ ఛైర్మన్​గా పాగాల సంపత్​రెడ్డి ఏకగ్రీవంగా ఎన్నికయ్యారు.

జనగామ జిల్లా తొలి జడ్పీ ఛైర్మన్​గా చిల్పూర్ మండల జడ్పీటీసీగా విజయం సాధించిన పాగాల సంపత్ రెడ్డి ఏకగ్రీవంగా ఎన్నికయ్యారు. వైస్ ఛైర్మన్​గా బచ్చనాపేట మండలం జడ్పీటీసీగా గెలుపొందిన గిరాబోయిన భాగ్యలక్ష్మి ఎన్నికయ్యారు. జిల్లా ఎన్నికల అధికారి కలెక్టర్ వినయ్ కృష్ణ రెడ్డి వీరికి నియామక పత్రాలను అందజేసి శుభాకాంక్షలు తెలిపారు. తెరాస నాయకులు, కార్యకర్తలు టపాకాయలు పేల్చి సంబురాలు జరుపుకున్నారు.