జనగామ జిల్లాలో స్వచ్ఛందంగా లాక్​డౌన్​

జనగామ జిల్లాలో ప్రజలు స్వచ్ఛందంగా లాక్​డౌన్​ పాటిస్తున్నారు. రోజురోజుకు కరోనా కేసులు పెరుగుతున్నందున ఈ నిర్ణయం తీసుకున్నారు. అయితే ఇంతకుముందు లాక్​డౌన సడలింపులతో రహదారులు రద్దీగా ఉన్న.. ఇప్పుడు ఆ పరిస్థితి లేదు. నిత్యావసర దుకాణాలు మినహా మిగతా షాపులు తెరవట్లేదు.

జనగామ జిల్లాలో రోజురోజుకు కరోనా మహమ్మారి విస్తరిస్తున్నందున ప్రజలు స్వచ్ఛందంగా లాక్ డౌన్ పాటిస్తున్నారు. ఎప్పుడు రద్దీగా ఉండే జిల్లా కేంద్రంలోని రహదారులు నిర్మానుష్యంగా కనిపిస్తున్నాయి. జిల్లాలో లాక్​డౌన్ సడలింపులతో జన సంచారం పెరిగి, అన్ని దుకాణాలు తెరుచుకోగా, గత వారం రోజుల నుంచి జిల్లాలో కొవిడ్​ కేసులు రోజురోజుకు పెరగడం వల్ల ప్రజలు తిరిగి స్వచ్ఛందంగా లాక్ డౌన్ పాటిస్తున్నారు.

జనగామ జిల్లాలో స్వచ్ఛందంగా లాక్​డౌన్​

అత్యవసరం అయితే తప్ప బయటకు రావడానికి మొగ్గు చూపడం లేదు. ఇప్పటికే బంగారు, వస్త్ర దుకాణ యజమానులు, నాయి బ్రాహ్మణులు సమావేశమై ఈ నెల 30 వరకు దుకాణాలు తెరవడం లేదని ప్రకటించగా.. గృహోపకరణాలు తదితర దుకాణాలు కూడా తెరవడం లేదు. నిత్యావసర సరుకుల దుకాణాలు మాత్రం ఉదయం 9గంటల నుంచి సాయంత్రం 4 గంటల వరకు తెరుస్తున్నారు.

ఇవీచూడండి:ఔషధ మొక్కలపై పరిశోధనకు ఇదే సరైన సమయం: గవర్నర్