పెళ్లింట విషాదం నింపిన రోడ్డు ప్రమాదం

శుభలేఖల పంపకాలు జరిగిపోయాయి. పచ్చని మామిడాకులతో ఇంటిని అలంకరించుకున్నారు. ఇతర సామగ్రిని సిద్ధం చేశారు. తెల్లారితే పెళ్లి హడావుడి.. బంధుమిత్రుల రాకతో ఇల్లు సందడిగా మారింది. ఇంతలోనే ఆ ఇంటిని విషాదం ముంచెత్తింది. కూతురు పెళ్లి చూడకుండానే తండ్రిని రోడ్డు ప్రమాదం రూపంలో కబళించింది.

జనగామ జిల్లా బచ్చన్న పేట మండలం రామచంద్రాపూర్‌కు చెందిన బాలసిద్దులు పెళ్లి పనుల కోసం బచ్చన్నపేట వెళ్లి వస్తుండగా ప్రమాదానికి గురయ్యాడు. ద్విచక్రవాహనం అదుపుతప్పి కిందపడిన ఘటనలో అక్కడికక్కడే మృతిచెందాడు.

పెళ్లి బాజాలు మోగాల్సిన ఆ ఇంట్లో మరణవార్త బంధువులను కలిచివేసింది. ఈరోజు మృతుడి కుమార్తె పెళ్లి జరగాల్సి ఉండగా... అంతలోనే ఈ దుర్ఘటన జరిగింది. పెళ్లి పెద్ద మృతితో... కుటుంబసభ్యులు, బంధుమిత్రులు శోకసంద్రంలో మునిగిపోయారు.

ఇవీచూడండి:జనతా కర్ఫ్యూ నేపథ్యంలో రైళ్ల క్రమబద్ధీకరణ